កីឡាអន្តរជាតិ
អន្តរជាតិ
×![]()
បន្ទាប់ពីបាត់មុខមួយរយៈនៅលើសង្វៀនក្រោយពីចាញ់កីឡាករ Floyd Mayweather ដោយពិន្ទុទាំងចម្រូងចម្រាសកាលពីថ្ងៃទី២ ខែឧសភា ឆ្នាំ២០១៥ នៅលើសង្វៀន MGM Grand Arena ស្តេចប្រដាល់សញ្ជាតិ ហ្វីលីពីន Manny Pacquiao នឹងធ្វើការប្រកួតជាមួយកីឡាករ Timothy Bradley នាព្រឹកថ្ងៃទី១០ ខែមេសា នេះ នៅក្នុងទីក្រុងឡាវេហ្គាស(Las Vegas) សហរដ្ឋអាមេរិក។ 
មុននឹងប្រកាសចូលនិវត្តន៍ ដើម្បីបញ្ចប់អាជីពរបស់ខ្លួន ស្តេចប្រដាល់សកល សញ្ជាតិ ហ្វីលីពីន Manny Pacquiao រូបនេះ ត្រូវជួបប្រកួតជាមួយ Timothy Bradley នាព្រឹកថ្ងៃទី១០ ខែមេសាឆ្នាំ២០១៦ ចុងសប្តាហ៍នេះ នៅទីក្រុងឡាវេហ្គាស (Las Vegas) សហរដ្ឋអាមេរិក លើសង្វៀន MGM Grand Arena ដែលជាសង្វៀនដែលរូបគេបានចាញ់កីឡាករ Floyd Mayweather ទាំងចម្រូងចម្រាស។
Manny Pacquiao ធ្លាប់បានយកឈ្នះលើកីឡាករសញ្ជាតិ អាមេរិក Timothy Bradley រូបនេះម្តងរួចមកហើយ ក្នុងជំនួបសងសឹក កាលពីឆ្នាំ២០១៤ នៅប្រទេសចិន។ ហើយរូបគេជាកីឡាករ តែមួយគត់ ដែលធ្វើឲ្យ Bradley ស្គាល់រសជាតិចាញ់សម្រាប់ការប្រកួតរបស់គេ ៣៥ដង។
កីឡាករនិម្មិតរូបរបស់ ហ្វីលីពីន Manny Pacquiao មានអាយុ៣៧ឆ្នាំ ធ្លាប់ឆ្លងកាត់ការប្រកួតចំនួន៦៥ដង ឈ្នះ៥៧ដង ស្មើ២ដង ចាញ់៦ដង និងផ្តួលគូប្រកួតសន្លប់៣៨ដង ខណៈកីឡាករវ័យ៣៥ឆ្នាំ សញ្ជាតិអាមេរិក Timothy Bradley ធ្លាប់ឆ្លងកាត់ការប្រកួតចំនួន៣៥ដង ឈ្នះ៣៣ដង ស្មើ១ដង ចាញ់១ដង និងធ្លាប់ផ្តួលគូប្រកួតឲ្យសន្លប់នៅលើសង្វៀនបាន១៣ដង៕
Tag:
ប្រដាល់សកល
Pacquiao
Bradley
© រក្សាសិទ្ធិដោយ thmeythmey.com
