​

​រីឯ​ថ្ងៃ​ពុធ​ ​៧​កើត​គត់​ ​នា​គិម្ហ​ន្តា​

​ត្រូវ​ទី​ដប់​បី​ ​នៃ​ខែមេសា​ ​តាម​ក្បួន​ហោរា​

​ ​ថា​ចូលឆ្នាំថ្មី​។​

 

​ឆ្នាំវក​អដ្ឋស័ក​ ​ព្រលប់​ត្រជាក់​ ​ចូលដល់​សិរី​

​ត្រូវ​យាម​ទី​ពីរ​ ​ជា​ពេល​សួស្តី​ ​ប្រជា​ប្រុស​ស្រី​

​ ​រីករាយ​គ្រប់គ្នា​។​
 

​ពេល​ម៉ោង​ប្រាំបី​ ​ក្នុងពេល​រាត្រី​ ​ដើម​ចុង​ជួបគ្នា​

​មាន​វ័ន​បទ​ពីរ​ ​នាទី​សុខា​ ​ប្រពៃ​ថ្លៃថ្លា​

​ ​មកពី​បុរាណ​។​
 

​មាន​ទេពធីតា​ ​រូបល្អ​ថ្លៃថ្លា​ ​មក​តាម​លំ​អាន​

​ដោយនូវ​គន្លង​ ​ទំនង​បុរាណ​ ​ចងក្រង​និទាន​

​ ​ក្នុង​ក្បួនតម្រា​។​
 

​ម​ណ្ឌា​ទេវី​ ​មាន​តួនាទី​ ​ជា​នាយិកា​

​គ្រប់គ្រង​ផែនដី​ ​ជ​ម្ជូ​ទ្វី​បា​ ​តាម​កិច្ចសន្យា​

​ ​បិតា​ផ្តែរ​ផ្តាំ​។​
 

​អម្ពរ​ពណ៌​អន​ ​ដែល​ទ្រង់​នឹង​គ្រង​ ​ជាប់​នឹង​ព្រះកាយ​

​ឯ​នៅ​ព្រះ​កាណ៍​ ​បុប្ផា​ពណ្ណរាយ​ ​ចម្ប៉ា​រាង​អាយ​

​ ​ចោល​ក្លិន​ឈ្ងុយ​ឈ្ងប់​។​
 

​ឯ​ភ​ស្សាហារ​ ​សេពសោយ​សោតណា​ ​ទឹកដោះថ្លា​សុទ្ធ​

​តាំងពី​បុរាណ​ ​លោក​បានកំណត់​ ​ទុកជា​បន្ទាត់​

​ ​អនុវត្តន៍​បន្ត​។​
 

​រី​អាភរណៈ​ ​ដែល​ទ្រង់​នឹង​ពាក់​ ​ជាប់​ជាក់​នឹង​ក​

​ជា​កែវ​ពិទូរ្យ​ ​សិរី​បវរ​ ​ប្រសើរ​ក្រៃ​ល្អ​

​ ​ត​តាម​កំណត់​។​
 

​នៅ​ព្រះហស្ត​ឆ្វេង​ ​ឈើច្រត់​សម្តែង​ ​ចែងចារ​ប្រាកដ​

​មាន​ក្នុង​តម្រា​ ​មហាសង្ក្រាន្ត​វដ្ត​ ​លោក​បានកំណត់​

​ ​ប្រាកដ​រៀងមក​។​
 

​រី​ព្រះហស្ត​ស្តាំ​ ​ដែល​ទ្រង់​នឹង​កាន់​ ​ជា​ម្ជុល​ប្រាកដ​

​គង់​ផ្ទំ​លើ​ខ្នង​ ​គ​ទ្រ​ភៈ​ជា​រថ​ ​នេះហើយ​កំណត់​

​ ​បាន​ចារ​ចំណា​។​
 

​នាំ​ទេពធីតា​ ​សែន​កោដិ៍​មេ​ឃា​ ​ហោះ​ឆ្ពោះទៅកាន់​

​គន្ធ​មាលី​ ​ទី​ព្រៃ​ស្មសាន​ ​ដឹក​នាំមក​ថ្កាន​

​ ​សិរសា​មហាព្រហ្ម​។​
 

​ហែ​ប្រ​ទិ​ក្សិណ​ ​ព័ទ្ធ​ហេមវ័ន្ត​ ​គម្រប់​មួយ​ដុំ​

​តាម​ដោយ​គន្លង​ ​ទំនង​ចាស់ទុំ​ ​នាំ​សិរសា​ព្រហ្ម​

​ ​ហែ​ព័ទ្ធ​ពសុធា​។​
 

​គ្រប់​ស្រេច​កាលណា​ ​នាំយក​សិរសា​ ​ដែល​ឥត​អង្គារ​

​ទុក​កន្លែង​ដើម​ ​រួច​ផ្តើម​គ្រប់គ្នា​ ​តូចធំ​ស្លួ​ត​ជា​

​ ​ចូល​ស្រង់​ទឹកថ្លា​។​
 

​អ​នោ​ត្ត​ ​មហា​ស្រះ​ទៀត​ជាក់​ ​ទី​ថា​ន​អស្ចារ្យ​

​អស់ទាំង​ទេវបុត្រ​ ​ទាំង​ទេពធីតា​ ​ស្រេច​ហើយ​កាលណា​

​ ​រក្សាសីល​ប្រាំ​។​
 

​នេះហើយ​តម្រា​ ​មាន​ពី​ដូនតា​ ​ទុកជា​ប្រចាំ​

​តាំងពី​បុរាណ​ ​ដែលជា​បណ្តាំ​ ​មានមក​យូរ​ឆ្នាំ​

​ ​នៃ​ជាតិ​ខេមរា​។​
 

​រក្សា​សា​ទេវី​ ​ជា​រាជបុត្រី​ ​កបិល​ព្រហ្មា​

​គ្រងជ​ម្ជូ​ទ្វីប​ ​កើតក្តី​សុខា​ ​ចប់​ឆ្នាំ​ហើយ​ណា​

​ ​ផ្តែរ​ផ្តាំ​បន្ត​។​
 

​អនុជ​បុត្រី​ ​ម​ណ្ឌា​ទេវី​ ​ទទួល​សាទរ​

​ប្តេជ្ញា​ក្នុង​ចិត្ត​ ​ដោយ​ក្តី​ត្រេកអរ​ ​ថា​នឹង​បន្ត​

​ ​ទៅតាម​បណ្តាំ​។​
 

​សត្វ​ទាំង​ដប់​ពីរ​ ​ជួបជុំ​មូល​មីរ​ ​ដើម្បី​រង់ចាំ​

​ស្តាប់​របាយការណ៍​ ​ថ្លៃថ្លា​ក្នុង​ឆ្នាំ​ ​ជាប់​ជាប្រចាំ​

​ ​សកម្ម​ទាំងឡាយ​។​
 

​កណ្តុរ​គោ​ខ្លា​ ​ទន្សាយ​នាគា​ ​ពស់​ផង​នៅ​អាយ​

​សេះ​នឹង​ពពែ​ ​ស្វា​មាន់​រីករាយ​ ​ឆ្កែ​ជ្រូក​សប្បាយ​

​ ​ទទួល​ពរជ័យ​។​
 

​ពពែ​ជា​ប្រធាន​ ​លើកឡើង​និទាន​ ​ថ្លៃ​ថ្លែងសេចក្តី​

​នា​ឆ្នាំ​កន្លង​ ​ដែលជា​ស្នាដៃ​ ​ប្រជា​ប្រុស​ស្រី​

​យើង​ទេវតា​ថ្មី​ ​សូម​ជូនពរជ័យ​ ​សិរី​មង្គល​

​ទាំង​បួន​ប្រការ​ ​ចូរ​កើតមាន​ដល់​ ​ទូទាំង​សកល​

​ ​លោកា​ថ្កើងថ្កាន​។​
 

​ទឹកដី​អង្គារ​ ​ប្រសើរ​បវរ​ ​បាន​សុខក្សេមក្សាន្ត​

​សូម​ខ្មែរ​រួមគ្នា​ ​សាម​គ្គា​ឲ្យ​បាន​ ​នៅ​គ្រប់​មជ្ឈដ្ឋាន​

​ ​សុខសាន្ត​ទៅ​អើយ​៕

​ប្រភព​៖ សៀវភៅ​មហាសង្ក្រាន្ត ឆ្នាំ វក អដ្ឋស័ក (​ព​.​ស​.២៥៦០-​គ​.​ស​.២០១៦)​ ​

​