ជាតិ
លោក ឃឹម ប៊ុនសុង រំពឹងថា អង្គរសង្ក្រាន្តឆ្នាំនេះ នឹងមានមនុស្សចូលរួមជាង១លាននាក់
× អភិបាលខេត្តសៀមរាប លោក ឃឹម ប៊ុនសុង បានព្យាករថា មនុស្សជាង១លាននាក់នឹងចូលរួមក្នុងព្រឹត្តិការណ៍អង្គរសង្ក្រាន្តនារយៈពេល៤ថ្ងៃពេញនាឆ្នាំនេះ។
ការលើកឡើងរបស់លោក ឃឹម ប៊ុនសុង គឺផ្អែកទៅលើការកើនឡើងជាបន្តបន្ទាប់នូវចំនួនភ្ញៀវទេសចរ បើគិតចាប់តាំងពីការចាប់ផ្តើមនូវព្រឹត្តិការណ៍អង្គរសង្រ្កាន្តកាលពីឆ្នាំ២០១៣ នាឱកាសបុណ្យចូលឆ្នាំ ដោយចាប់ពីជិត១៨ម៉ឺននៅឆ្នាំ២០១៣ ឡើងដល់ជាង២៥ម៉ឺននៅឆ្នាំ២០១៤ និងជិត១លាននាក់នៅឆ្នាំ២០១៥។
លោកអភិបាលខេត្ត បានកត់សម្គាល់ផងដែរថា ភ្ញៀវទេសចរបានក្លាយជាឃោសនិកដ៏សំខាន់ពីព្រឹត្តិការណ៍អង្គរសង្ក្រាន្ត ដើម្បីទាក់ទាញអ្នកផ្សេងឲ្យមកទស្សនាតំបន់អង្គរខេត្តសៀមរាប។
ថ្លែងនាពិធីបើកកម្មវិធីអង្គរសង្ក្រាន្តនាព្រឹកថ្ងៃទី១៤ ខែមេសា នេះផងដែរ លោក ហ៊ុន ម៉ានី ប្រធានសហភាពយុវជនកម្ពុជា បានបញ្ជាក់ថា ព្រឹត្តិការណ៍អង្គរសង្ក្រាន្តឆ្នាំនេះ មាន២២កម្មវិធីផ្សេងៗគ្នា៕
Tag:
ចូលឆ្នាំខ្មែរ
អង្គរសង្ក្រាន្ត
© រក្សាសិទ្ធិដោយ thmeythmey.com