ម្ចាស់មេដាយប្រាក់ជើងឯកអាស៊ីដឹកនាំកីឡាករកាយវប្បកម្មចូលរួមប្រកួតជើងឯកអាស៊ីអាគ្នេយ៍នៅថៃ

កីឡាជាតិ

ជាតិ

ម្ចាស់មេដាយប្រាក់ជើងឯកអាស៊ីដឹកនាំកីឡាករកាយវប្បកម្មចូលរួមប្រកួតជើងឯកអាស៊ីអាគ្នេយ៍នៅថៃ

20, Apr 2016 , 7:39 am

រូបភាព

ដោយ:

អតីតម្ចាស់មេដាយប្រាក់ជើងឯកអាស៊ី សុខ សុភ័ក្រ នឹងដឹកនាំកីឡាករកាយវប្បកម្មរបស់កម្ពុជាចំនួន៤រូបចូលរួមប្រកួតជ្រើសរើសជើងឯកកាយវប្បកម្មអាស៊ីអាគ្នេយ៍(South-East Asian Bodybuilding And Phyique Sports Ferderation) លើកទី១៣ នៅទីក្រុងបាងកក ប្រទេសថៃ នាថ្ងៃទី២១ ដល់ ២៥ ខែមិថុនា ខាងមុខនេះ។ នេះបើយោងតាមលិខិតឧទ្ទេសនាមរបស់ក្រសួងអប់រំយុវជន និងកីឡា កាលពីថ្ងៃទី១៨ ខែមេសា។

អតីតម្ចាស់មេប្រាក់កីឡាកាយវប្បកម្ម និងរាងកាយជើងឯកអាស៊ីលើកទី៤៧ នៅឆ្នាំ២០១៣ នៅទីក្រុងហូជីមិញ ប្រទេសវៀតណាម សុខ សុភ័ក្រ ដែលបច្ចុប្បន្នជាគ្រូបង្វឹក នឹងដឹកនាំកីឡាករកាយវប្បកម្មចំនួន៤រូបរួមមាន តឹក ប៊ុនវី, ណុំ សុបិន្ត, ទ្រឹង ចិន និង ចាប វ៉ាន់នី ចូលរួមប្រកួតជើងឯកអាស៊ីអាគ្នេយ៍ លើកទី១៣ នៅទីក្រុងបាងកក ប្រទេសថៃ រយៈពេល៥ថ្ងៃ ចាប់ពីថ្ងៃទី២១ ដល់ ២៥ ខែមិថុនា ខាងមុខនេះ ក្រោមការដឹកនាំរបស់ លោក ស៊ឹម សុកមង្គលរស្មី ប្រធានប្រតិភូ។

កីឡាករកម្ពុជាទាំងនេះនឹងធ្វើការប្រកួតប្រជែងជាមួយប្រទេសដែលជាសមាជិកអាស៊ាន១០ប្រទេសផ្សេងទៀត លើវិញ្ញាសាប្រកួតសម្តែង និងដើរម៉ូត។

គួរបញ្ជាក់ថា អតីតកីឡាករលេងសាច់ដុំ សុខ សុភ័ក្រ បានធ្វើឲ្យពិភពលោកមានការភ្ញាក់ផ្អើល និងមើលឃើញពីការរីកចម្រើននៃវិស័យកីឡាកាយវប្បកម្មកម្ពុជា បន្ទាប់ពីរូបគេបានឈ្នះមេដាយប្រាក់ជាប្រវត្តិសាស្ត្រ នៅក្នុងការប្រកួតកីឡាកាយវប្បកម្ម និងរាងកាយជើងឯកអាស៊ីលើកទី៤៧ឆ្នាំ២០១៣ នៅទីក្រុងហូជីមិញ ប្រទេសវៀតណាម ដែលមានប្រទេសចូលរួមប្រកួតចំនួន២៨ប្រទេសនៅក្នុងតំបន់អាស៊ី៕