កីឡាជាតិ
ជាតិ
គ្រូបង្វឹកអេស្ប៉ាញ លោក Oriol Mohedano ចាកចេញពីភ្នំពេញក្រោន
×
លោក Oriol Mohedano ដែលទើបតែតែងតាំងជាគ្រូបង្វឹកថ្មី និងបានចុះកុងត្រាជាមួយក្លិបភ្នំពេញក្រោនរយៈពេលមួយឆ្នាំ ជំនួសលោក Sam Schweingruber បានសម្រេចចិត្តចាកចេញពីក្លិបភ្នំពេញក្រោននៅថ្ងៃទី២០ មេសា នេះដោយមានការព្រមព្រៀងគ្នា។ នេះបើយោងតាមគេហទំព័រហ្វេសប៊ុកផ្លូវការរបស់ក្លិបភ្នំពេញក្រោន។
លោកគ្រូបង្វឹកជនជាតិអេស្ប៉ាញ Oriol ត្រូវបានតែងតាំងជាគ្រូបង្វឹកថ្មីប្រចាំក្លិបភ្នំពេញក្រោន ជំនួសលោក Sam Schweingruber ដែលជួបបញ្ហាគ្រោះថ្នាក់ចរាចរណ៍ បន្ទាប់ពី លោក បានបំពេញតួនាទីបានយ៉ាងល្អក្នុងការបង្វឹកកូនក្រុមក្នុងក្លិបភ្នំពេញក្រោនតាំងពីដើមខែមករាកន្លងទៅ បានសម្រេចចិត្តចាក់ចេញពីក្លិបនៅថ្ងៃទី២០ ខែមេសា នេះ មុនថ្ងៃកុងត្រាដែលលោកបានចុះនាពេលកន្លងមក។
គេទំព័រនេះបញ្ជាក់ដូច្នេះថា៖«ក្លិបភ្នំពេញក្រោនសូមអរគុណដល់លោកគ្រូ Oriol Mohedano នៅការខិតខំណែនាំ និងហ្វឹកហាត់កីឡាករតាំងពីបានចូលរួមជាមួយក្លឹបពីដើមខែមករាកន្លងទៅ។ លោកគ្រូ Oriol បានសម្រេចចិត្តចាកចេញដោយមានការព្រមព្រៀងគ្នានៅថ្ងៃនេះ បានបំពេញភារកិច្ចយ៉ាងល្អក្នុងការដឹកនាំក្លឹបភ្នំពេញក្រោនក្នុងកំឡុងពេលដែលលោកគ្រូបង្គោលក្លឹប Sam Schweingruber ជួបគ្រោះថ្នាក់ចរាចរណ៍»។
គួរបញ្ជាក់ថា លោក Oriol Mohedano មានស្រុកកំណើតនៅឯទីក្រុង Barcelona ប្រទេសអេស្ប៉ាញ បច្ចុប្បន្នលោកមានវ័យ២៩ឆ្នាំ និងជាគ្រូដែលកាន់ UEFA A-License ជាមួយនឹងបទពិសោធន៍ជាច្រើននៅអេស្ប៉ាញ ស្វីស និងហ្វាំងឡង់ផងដែរ មុននឹងមកកាន់ដំណែងនៅអាស៊ីជាលើក ដំបូងជាមួយនឹងកិច្ចសន្យារយៈពេល១ឆ្នាំ ក្នុងក្លឹបភ្នំពេញក្រោន៕
Tag:
បាល់ទាត់
ភ្នំពេញក្រោន
Oriol
© រក្សាសិទ្ធិដោយ thmeythmey.com