ពីនេះ ពីនោះ
តើពាក្យ «អវិហឹង្សា និង អវិហិង្សា» មួយណាត្រូវ?
× មនុស្សភាគច្រើនប្រើពាក្យទាំងពីរនេះដោយមិនដឹងថា មួយណាខុស មួយណាត្រូវឡើយ។ អ្នកខ្លះសរសេរថា «អវិហឹង្សា» ចំណែកសាធារណជនខ្លះសរសេរថា «អវិហិង្សា» ហើយក៏មិនប្រាកដចំពោះខ្លួនឯងថាពាក្យមួយណាត្រឹមត្រូវនោះដែរ។
នៅក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យដែលត្រឹមត្រូវ គឺសរសេរជា «អវិហិង្សា» មិនមែន «អវិហឹង្សា» នោះទេ។ ពាក្យថា «អវិហិង្សា» នេះមានថ្នាក់ពាក្យជានាម មានន័យថា ការមិនបៀតបៀនគេ, ការមិនធ្វើគេឲ្យបានសេចក្ដីទុក្ខលំបាក, ការមិនធ្វើទុកបុកម្នេញគេ។ ឧទាហរណ៍ មនុស្សត្រូវប្រើសត្វពាហនៈដោយអវិហិង្សា, អវិហិង្សាជាធម៌សំខាន់របស់មនុស្ស។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com