ពីនេះ ពីនោះ
ក្អែកទឹកធំពេលមិនទាន់ពេញវ័យក្បាល ក និងពោះមានពណ៌ស
× ក្អែកទឹកធំ ជាប្រភេទក្អែកទឹកដែលមានមាឌធំជាងក្អែកទឹកដទៃ ចំពុះរបស់វាធំ បំពង់កលើនិងមុខវាមានពណ៌ស។ នៅរដូវបន្តពូជ ក្អែកទឹកធំមានរោមឆូតសយ៉ាងច្រើននៅលើក្បាល និងគល់ចំពុះពណ៌លឿង ដៅសនៅដើមកកាន់តែធំ។ ចំពោះប្រភេទក្អែកទឹកធំនេះ នៅពេលមិនទាន់ពេញវ័យ ក្បាល ក និងពោះ ស្ទើរតែពណ៌ស ចំណែកខ្នងប្រផេះក្រម៉ៅ។
ក្អែកទឹកធំ ភាគច្រើនគេប្រទះឃើញ មានរស់នៅតំបន់វាលភក់រុក្ខជាតិ និងច្រាំងសមុទ្រ។ ប៉ុន្តែវាមានវត្តមានពេញមួយឆ្នាំ និងសម្បូរមានច្រើននៅបឹងទន្លេសាប។ សម្រាប់រដូវដែលក្អែកទឹកធំបន្តពូជ គឺចាប់ពីខែតុលា ដល់ខែកុម្ភៈ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com