ពីនេះ ពីនោះ
បានរបស់ទំនើប កុំទំនើង!
×
និពន្ធដោយ ប៉ាកកាខ្មៅ
កំណាព្យបទ ពាក្យ៨
- iPhone, iPad កូនអើយឪpay សុំតែម្យ៉ាងទេឲ្យកូនឪខំ
ពេលរៀនដឹងរៀនកុំហ៊ានបន្លំ កុំពូនសំងំខំតែFacebook។
-ម៉ូតូចេញថ្មីមានអីអស្ចារ្យ ឲ្យតែប្រាប់ប៉ាចាំឲ្យគេទុក
សុំឲ្យតែកូនគិតដល់ម៉ែពុក បើកបរទៅមុខកុំតែបង្ហោះ។
-ឬចង់ជិះឡានក៏បានអាវ៉ា ប៉ាលៃយ៉ាងណាឲ្យកូនស្អាតស្រស់
គូទហើមប៉ោងស្វិតឲ្យបានទាំងអស់ ត្រឹមតែរបស់ចង់អីក៏បាន។
-នេះចិត្តម៉ែឪទាំងគេទាំងយើង ឃើញកូនទំនើងដូចភ្លើងឆេះប្រាណ
រស់នៅបាក់មុខអផ្សុកអប្សាន្ត ជូបញាតិសន្តានលែងចង់ហ៊ានស្តី។
-បើសិនឪដឹងកូនប្រឹងសិក្សា អស់ទ្រព្យយ៉ាងណាក៏មិនថាអី
រែកពុនលីសែងកាប់គាស់វាស់ដី ព្រោះកូនប្រុសស្រីអស់អីអស់ចុះ៕
© រក្សាសិទ្ធិដោយ thmeythmey.com