ពីនេះ ពីនោះ
ស្មោញជាសត្វមានកវែងដូចពស់
× ស្មោញ គឺជាប្រភេទបក្សីមួយប្រភេទដែលមានវត្តមាននៅប្រទេសក្នុងកម្ពុជាតាំងពីយូរយារណាស់មកហើយ។ សត្វប្រភេទនេះមានកវែងដូចពស់ ចំពុះរបស់វាស្រួចដូចដាវ សំបុរពណ៌ខ្មៅ កន្ទុយវែង ឆូតសវែងៗនៅផ្នែកខ្នង។ ស្មោញជាសត្វដែលរស់នៅតាមតំបន់ បឹង វាលភក់ និងទន្លេធំៗ។ សត្វនេះគេសង្គេតឃើញថា មានវត្តមានពេញមួយឆ្នាំ និងមានបន្ទាយពងកូនដ៏ធំនៅតំបន់ព្រែកទាល់ បឹងទន្លេសាប និងតំបន់តូចមួយចំនួននៅភាគខាងជើងនៃប្រទេសកម្ពុជា។ ចំពោះការស្វែងរកចំណី ស្មោញជាសត្វមុជទឹកចាប់ត្រីជាអាហារ។ ក្នុងនោះផងដែរ សត្វស្មោញមានការបន្តពូជចាប់ពីខែមិថុនា ដល់ខែមីនា ដែលមានចំនួនពងចាប់ពី៤ ទៅ៦ពងតែប៉ុណ្ណោះក្នុងមួយរដូវបន្តពូជ។
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com