លោក ស៊ុន ចាន់ថុល ថា កម្ពុជាត្រូវការចំណាយថវិកា១ពាន់លានដុល្លារ សម្រាប់គម្រោងផ្លូវដែកពីកម្ពុជាទៅវៀតណាម

ជាតិ

សង្គមជាតិ

លោក ស៊ុន ចាន់ថុល ថា កម្ពុជាត្រូវការចំណាយថវិកា១ពាន់លានដុល្លារ សម្រាប់គម្រោងផ្លូវដែកពីកម្ពុជាទៅវៀតណាម

24, Apr 2016 , 11:18 am

រូបភាព

ដោយ:

រដ្ឋមន្ត្រីក្រសួងសាធារណៈការនិងដឹកជញ្ជូន លោក ស៊ុន ចាន់ថុល បានឲ្យដឹងថា កម្ពុជាកំពុងសិក្សាគម្រោងផ្លូវដែកពីកម្ពុជាទៅប្រទេសវៀតណាម ដែលមានប្រវែង២៥៥គីឡូម៉ែត្រ ដើម្បីងាយស្រួលដល់ការដឹកជញ្ជូន និងលើកកម្ពស់សេដ្ឋកិច្ចនៅក្នុងតំបន់អាស៊ាន។

ក្នុងឱកាសចុះពិនិត្យការអ៊ុតគំនូសចរាចរណ៍ នៅលើមហាវិថីសុរាម្រិត ចាប់ពីមហាវិថីសម្តេចសុធារស រហូតដល់រង្វង់មូលវិមានឯករាជ្យក្រោមជំនួយឧបត្ថម្ភពីក្រុមហ៊ុន សាជីវកម្ម-ស្ពានថ្នល់ចិន កាលពីយប់ថ្ងៃទី២៣ មេសានោះ លោក ស៊ុន ចាន់ថុល បានបញ្ជាក់ថា ក្នុងគម្រោងសិក្សាផ្ឡុវដែកកម្ពុជា ពីតំបន់បាត់ដឹង ខេត្តកំពងស្ពឺ ទៅផ្លូវដែកឡុកនិញ-វៀតណាមនេះ គឺកម្ពុជាត្រូវការចំណាយថវិកាជាង១ពាន់លានដុល្លារ ដើម្បីដំណើរការរៀបផ្លូវដែកនេះ។

បើតាមលោក ស៊ុន ចាន់ថុល គម្រោងផ្លូវដែកនេះមិនទាន់អាចកំណត់ថា នឹងត្រូវរៀបចំនៅពេលនោះទេ ដោយរង់ចាំការពិភាក្សាគ្នាជាមួយប្រទេសជាសមាជិកអាស៊ានសិន ខណៈដែលកម្ពុជាខ្វះខាតលទ្ធភាពក្នុងការរៀបចំផ្លូវដែក។

ក្រៅពីផ្លូវដែកពីកម្ពុជាទៅវៀតណាមនេះ កម្ពុជាក៏រៀបចំស្ដារផ្លូវដែកក្នុងប្រទេសដែរ គឺចាប់ពីភ្នំពេញទៅស៊ីសុផុន -ប៉ោយប៉ែតជាដើម ដើម្បីសម្រួលដល់ការដឹកជញ្ជូនទំនិញ ជាមួយប្រទេសថៃ ដែលគម្រោងនេះត្រៀមនឹងបញ្ចប់នៅចុងឆ្នាំ២០១៦នេះ៕

សូមស្ដាប់សំឡេងលោក ស៊ុន ចាន់ថុល៖