កីឡាជាតិ
×![]()
ក្រុមល្បុក្កតោកម្ពុជា ក្រោមការដឹកនាំរបស់លោក ហុក ឈាងគីម បានបង្ហាញពីមោទនៈភាពរបស់ខ្លួននៅលើឆាកអន្តរជាតិ ដោយទទួលបានចំណាត់ថ្នាក់លេខ៣ពីការប្រកួតក្នុងកម្មវិធីមហោស្រពកីឡាយុទ្ធសិល្ប៍អន្តរជាតិនៅប្រទេសវៀតណាម លើវិញ្ញាសាសម្តែងសមយុទ្ធជាក្រុម។ នេះបើយោងតាមគេហទំព័រហ្វេសប៊ុកផ្លូវការរបស់សហព័ន្ធកីឡាល្បុក្កតោ(Cambodia Bokator Federation )។ 
គេហទំព័រដដែលបានឲ្យដឹងថា ក្រុមល្បុក្កតោកម្ពុជាទទួលបានចំណាត់លេខ៣ ពីការប្រកួតក្នុងកម្មវិធីមហោស្របកីឡាយុទ្ធសិល្ប៍អន្តរជាតិ នៅប្រទេសវៀតណាម។ ការទទួលបានមេដាយនេះបន្ទាប់ពីក្រុមល្បុក្កតោកម្ពុជាធ្វើការប្រកួតជាក្រុមលើវិញ្ញាសាសម្តែងសមយុទ្ធជាក្រុម កាលពីថ្ងៃទី២៣ ខែមេសា ម្សិលមិញនេះ ហើយការបំពាក់មេដាយនឹងប្រព្រឹត្តទៅនៅថ្ងៃទី២៤ មេសា នេះ។
គេហទំព័រនោះសរសេរដូច្នេះថា៖«លោកគ្រូ អ៊ុង ដារីទ្ធ បានឲ្យដឹងថា ការប្រកួតក្នុងកម្មវិធីមហោស្រពកីឡាយុទ្ធសីល្ប៍អន្តរជាតិ នៅថ្ងៃទី២៣ ខែមេសា ឆ្នាំ២០១៦នេះ កម្ពុជាទទួលបានចំណាត់ថ្នាក់លេខបី ក្នុងការប្រកួតវិញ្ញាសាសម្តែងសមយុទ្ធជាក្រុម ហើយការបំពាក់មេដាយ និងប្រារព្វឡើងនៅថ្ងៃទី២៤ ខែមេសា»។
គួរបញ្ជាក់ថា សហព័ន្ធកីឡាល្បុក្កតោកម្ពុជាបានបញ្ជូនកីឡាករកីឡាការិនីចំនួន៧រូប គណៈប្រតិភូ២រូប និងគ្រូបង្វឹកមួយរូប ដើម្បីចូលរួមប្រកួតក្នុងកម្មវិធីមហោស្រពកីឡាយុទ្ធសិល្ប៍អន្តរជាតិ ២០១៦ (The First Ho Chi Minh City International Martial Arts Festival 2016) នៅប្រទេសវៀតណាម កាលពីថ្ងៃទី២១ ខែមេសា។ ស្រពពេលនោះលោក វ៉ាត់ ចំរើន ប្រធានសហព័ន្ធកីឡាល្បុក្កតោកម្ពុជាចុះអនុសារណៈនៃការយោគយល់គ្នា(MOU)ជាមួយបណ្ឌិតសភាក្បាច់គុនពិភពលោកប្រចាំនៅប្រទេសកូរ៉េខាងត្បូង ដើម្បីសិក្សា និងចែករំលែកវប្បធម៌គ្នាទៅវិញទៅមក៕
Tag:
ល្បុក្កតោ
© រក្សាសិទ្ធិដោយ thmeythmey.com
