ពីនេះ ពីនោះ
តើនារីត្រូវជ្រើសរើសបុរសមានលក្ខណៈបែបណាជាមិត្ត១០០ឆ្នាំ?
× ភ្នំពេញ៖ «ធ្វើស្រែខុសមួយឆ្នាំ ត្រូវមួយឆ្នាំ តែបើទុកដាក់កូនចៅឲ្យមានប្ដីមានប្រពន្ធ ខុសមួយឆ្នាំគឺខុសមួយជីវិត» នេះគឺជាពាក្យចាស់បុរាណដែលតែងតែនិយាយតៗគ្នាមកសម្រាប់ក្រើនរំលឹកដល់កូនចៅមុននឹងសម្រេចចិត្តថានឹងទទួលយក បុរស នារីណាជាប្ដីប្រពន្ធ។ ចុះក្នុងនាមជានារី តើត្រូវជ្រើសរើសបុរស់ដែលមានលក្ខណៈសម្បត្តិបែបណាដើម្បីយកមកធ្វើជាគូអនាគតរប់ខ្លួន?
ដើម្បីជៀសវាងការទទួលរងនូវសេចក្ដីឈឺចាប់ និងស្ដាយក្រោយ នារីគ្រប់រូបគួរណាស់សង្កេតមើលលក្ខណៈរបស់បុរសដូចខាងក្រោម ដើម្បីឲ្យខ្លួនទទួលបានបុរសដែលល្អនឹងនាំសុភមង្គលឲ្យខ្លួននៅពេលក្លាយជាមិត្តមួយរយឆ្នាំ។ បុរសនោះមានលក្ខណៈដូចខាងក្រោម៖
-ជាបុរសមានប្រាជ្ញា ស្មារតី សត្យារម្មណ៍ស្វាហាប់ រហ័សរហួន ឆាប់ដឹង យល់ហេតុការណ៍។
-ជាបុរសមានគំនិតឆ្លាតវាងវៃ ចេះច្នៃប្រឌិត ជាមនុស្សចេះអភិវឌ្ឍខ្លួន មិនធ្វើខុសដដែលៗ
-ជាបុរសមិនខ្ជិលច្រអូស មិនទំរន់ មិនចេះពន្យាពេលក្នុងការធ្វើកិច្ចការ។
-ជាបុរសចេះរក ចេះសន្សំសំចៃ និងទុកដាក់ទ្រព្យសម្បត្តិ
-ជាបុរសមិនមែនជាមនុស្សចិត្តស្រាល ឆាប់ឆេវឆាវ ខឹងច្រឡោត តោតតូង
-ជាបុរសចេះថែរក្សាផ្ទះ គ្រួសារ ចេះមើលថែរក្សាការពារប្រពន្ធកូន និងទ្រព្យសម្បត្តិ
-ជាបុរសចេះរៀបចំខ្លួនបានល្អ មានក្លិនខ្លួនក្រអូប សក់គ្មានចៃ ឬអង្គែ សម្លៀកបំពាក់ភ្លឺស្អាតជាទីពេញចិត្តនៃភរិយា
-ជាបុរសមានចិត្តជាកណ្ដាលមិនលម្អៀងខាងសាច់ញាតិខាងណាមួយឡើយ
-ជាបុរសមានការងារធ្វើឬជំនាញច្បាស់លាស់ ត្រូវមានការងារធ្វើច្បាស់លាស់ មិនមែនមនុស្សតែលតោល
-ជាបុរសមានចំណេះដឹងនិងភាពជាអ្នកដឹកនាំខ្ពស់ជាងភរិយា។
-ជាបុរសមានឥរិយាបថ អត្តចរិក អាកប្បកិរិយា មារយាទល្អត្រឹមត្រូវ ថ្លៃថ្នូរ។
-ជាបុរសមិនចេះប្រើអំពើហិង្សាដាក់ប្រពន្ធកូន។
ដកស្រង់ពីសៀវភៅ៖ ដៃគូជីវិត, រៀបរៀងដោយភិក្ខុលាភសម្បន្នោ សុន ឌឿន
© រក្សាសិទ្ធិដោយ thmeythmey.com