ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡាអត្តពលកម្មពីរប្រភេទត្រូវបានប្រមូលផ្តុំ ខណៈ៣ប្រភេទនឹងស្នើឲ្យមាននៅឆ្នាំក្រោយ
26, Apr 2016 ,
7:39 pm
រូបភាព
×
ដោយ:
កីឡាអត្តពកម្មចំនួនពីរប្រភេទវិញ្ញាសាត្រូវបានប្រមូលផ្តុំយុវជនថ្នាលជម្រើសជាតិនៅក្នុងឆ្នាំ២០១៦នេះ ខណៈ៣ប្រភេទវិញ្ញាសាផ្សេងទៀតមិនត្រូវបានធ្វើការប្រមូលផ្តុំ ប៉ុន្តែគ្រូបង្វឹកក្រុមជម្រើសជាតិទទួលបន្ទុកផ្នែកយុវជនថ្នាល លោក ជួង សារ៉េត បានឲ្យដឹងថា សហព័ន្ធនឹងដាក់គម្រោងស្នើរឲ្យមាននៅឆ្នាំក្រោយៗ។
កីឡាអត្តពលកម្មពីរប្រភេទវិញ្ញាសាពោលគឺ វិញ្ញាសារត់ចម្ងាញ និងរត់ល្បឿនត្រូវបានក្រសួងអប់រំយុវជន និងកីឡាបានអនុញ្ញាតឲ្យធ្វើការប្រមូលផ្តុំក្រុមជម្រើសជាតិយុវជនថ្នាលសម្រាប់ឆ្នាំ២០១៦ ដើម្បីហ្វឹកហាត់ត្រៀមប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។ ជាមួយគ្នានេះ ៣ប្រភេទកីឡាអត្តពលកម្មផ្សេងទៀតដូចជា លោតចម្ងាយ លោតកម្ពស់ និងចោលដុំដែក មិនត្រូវបានអនុញ្ញាតឲ្យធ្វើការប្រមូលផ្តុំយុវជនថ្នាលឡើយ។
ពាក់ព័ន្ធទៅនឹងបញ្ហានេះ លោក ជួង សារ៉េត គ្រូជំនួយបង្វឹកក្រុមជម្រើសជាតិទទួលបន្ទុកផ្នែកយុវជនបានបញ្ជាក់ថា សហព័ន្ធកីឡាខ្មែរអត្តពលកម្មកម្ពុជានឹងស្នើរឲ្យមាន៣ប្រភេទវិញ្ញាសានេះនៅក្នុងឆ្នាំក្រោយៗទៀត ហើយលោកបានចាត់ទុកថា ប្រសិនបើអត្តពលកម្មទទួលបានការប្រមូលផ្តុំនូវប្រភេទវិញ្ញាសាទាំងនេះ កម្ពុជានឹងមានសង្ឃឹមច្រើនសម្រាប់ក្នុងការដណ្តើមមេដាយពីការប្រកួតស៊ីហ្គេមដែលកម្ពុជានឹងធ្វើជាម្ចាស់ផ្ទះ។
សម្រាប់ឆ្នាំនេះអត្តពកម្មទទួលបបានការអនុញ្ញាតពីក្រសួងអប់រំ ក្នុងការប្រមូលផ្តុំក្រុមយុវជនជម្រើសជាតិថ្នាលចំនួន៨នាក់ រួមមាន កីឡាការិនី បែន សីហា, ប៊ូ ស៊ុនណារី, ងួន ចរណៃ, ប៊ូ សំណាង, កីឡាករ សាត ឧត្តម, សៀម មាតុវឌ្ឈនា, ផាត សុភុត និងកីឡាករ ឃ្លាំង បេប៊ុនណារ៉ា។ ចំនូននេះត្រូវបានលោក ជួង សារ៉េត ចាត់ទុកថា វាមិនឆ្លើយតបនៅនឹងតម្រូវការរបស់សហព័ន្ធនោះទេ ដោយលោកចង់ឲ្យមានច្រើនជាងនេះ ដើម្បីងាយស្រួលក្នុងការចំរាញ់យកកីឡាករដែលល្អៗសម្រាប់ត្រៀមប្រកួតស៊ីហ្គេម។
លោកបញ្ជាក់ដូចនេះថា៖«ក្រសួងផ្តល់ឲ្យុយុវជនថ្នាលចំនួន៨នាក់សម្រាប់ធ្វើការប្រមូលផ្តុំ តែចំនួននេះវាមិនបានឆ្លើយតបនៅនឹងតម្រូវនោះទេ តែសម្រាប់ខ្ញុំ ចង់បានច្រើនជាងនេះ និងច្រើនវិញ្ញាសារ ព្រោះការជ្រើសរើសមកប្រមូលផ្តុំនេះ គឺមានតែ ២ វិញ្ញាសារ ប៉ុណ្ណោះ គឺរត់ល្បឿន និងរត់ចម្ងាញ។ ហើយយើងចង់បានវិញ្ញាសាជាច្រើនទៀតដូចជា វិញ្ញាសាលោតកម្ពស់ វិញ្ញាសាលតចម្ងាយ និងចោលដុំដែក»។
លោកគ្រូជំនួយរូបនេះបានបន្ថែមទៀតថា ការជ្រើសរើសក្រុមយុវជនថ្នាលក្នុងការប្រមូលផ្តុំសម្រាប់វិញ្ញាសាអត្តពលកម្មនេះវាមានការលំបាកបន្តិចដោយសារខាងសហព័ន្ធមិនបានផ្សព្វផ្សាយគ្រប់ទូទាំងប្រទេស ហើយការជ្រើសរើសនេះគឺជ្រើសរើសតែតាមសាលាណាដែលនៅជិតរាជធានីភ្នំពេញប៉ុណ្ណោះ។
គួរបញ្ជាក់ថា កីឡាអត្តពលកម្មនឹងធ្វើការប្រមូលផ្តុំរយៈ១០ខែក្នុងមួយឆ្នាំ ការប្រមូលផ្តុំនេះធ្វើឡើងរយៈពេល៧ឆ្នាំរហូតដល់ការប្រកួតស៊ីហ្គេម។ ហើយក្រុមយុវជនថ្នាលដែលកំពុងធ្វើការប្រមូលនេះ សហព័ន្ធនឹងធ្វើការប្រកួត ដើម្បីវាស់ស្ទង់សមត្ថភាព ប្រសិនបើកីឡាករណាដែលមិនមានសមត្ថភាពគ្រប់គ្រាន់សហព័ន្ធនឹងជ្រើសរើសយកសមាសភាពផ្សេងទៀតដើម្បីជំនួសពួកគេទាំងនេះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អត្តពលកម្ម
ជួង សារ៉េត
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
4 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
6 ថ្ងៃ
អត្ថបទពេញនិយមបន្ថែម