សៀមរាបអង្គរស្វាគមន៍ខេត្តព្រះវិហារ ខណៈក្រុមនៅក្របខណ្ឌលីកចំនួន៥ប៉ះក្រុមឡើងពីវគ្គជម្រុះ

កីឡាជាតិ

ជាតិ

សៀមរាបអង្គរស្វាគមន៍ខេត្តព្រះវិហារ ខណៈក្រុមនៅក្របខណ្ឌលីកចំនួន៥ប៉ះក្រុមឡើងពីវគ្គជម្រុះ

27, Apr 2016 , 9:59 am

រូបភាព

ដោយ:

ការប្រកួតតាមពូលនៃដំណាក់កាលផ្តាច់ព្រ័ត្រពានរង្វាន់សម្តេច ហ៊ុន សែន ឆ្នាំ២០១៦ បានឈានដល់សប្តាហ៍ទី៤ ហើយ សម្រាប់ការប្រកួតនាថ្ងៃពុធ ទី២៧ ខែមេសា នេះ ដោយមានជំនួប៣គូនៅក្នុងពូល C និង៣គូនៅក្នុងពូល D។ ក្រុមឡើងមមកពីវគ្គជម្រុះបឋម សៀមរាបអង្គរ ស្វាគមន៍ ខេត្តព្រះវិហារ ខណៈក្រុមចំនួន៥នៅក្របខណ្ឌកំពូលមិត្តហ្វូនខេមបូឌានលីក ជួបក្រុមឡើងមកពីវគ្គជម្រុះបឋម។

ក្រុមលេខ១ពូល C ឡើងពីវគ្គជម្រុះបឋម សៀមរាបអង្គរ នឹងបើកទ្វារកីឡដ្ឋានខេត្តសៀមរាប ដើម្បីស្វាគមន៍ក្រុមភ្ញៀវ ខេត្តព្រះវិហារ ក្នុងពូល D។ ពហុកីឡដ្ឋានជាតិ នឹងក្លាយជាទីតាំងប្រកួតរវាងក្រុមណាហ្គាវើល នឹងក្រុមលេខ២ពូលF នៃវគ្គជម្រុះបឋមខេត្តក្រចេះ ជាមួយគ្នានេះ ក្រុមអគ្គស្នងការនគរបាលជាតិក្រោយពីយកឈ្នះខេត្តព្រះវិហារ ៩-០ កាលពីសប្តាហ៍ទី២ នឹងត្រូវជួបប្រកួតជាមួយ ខេត្តស្វាយរៀងផងដែរនៅពហុកីឡដ្ឋានជាតិ។

ដោយឡែកនៅក្នុងពូល C ក្រុមភ្នំពេញក្រោនក្រោយពីយកឈ្នះក្រុមវេស្ទើនភ្នំពេញ ៥-០ កាលពីសប្តាហ៍ទី២ នឹងបើកកីឡដ្ឋាន RSN របស់ខ្លួន ដើម្បីស្វាគមន៍ក្រុមលេខ២ពូលD ខេត្តប៉ៃលិន។ ចំណែកកីឡដ្ឋានកងយោធពលខេមរភូមិន្ទ នឹងក្លាយកន្លែងកាត់ក្តីរវាងក្រុមមជ្ឈបណ្ឌលកំចាត់មីនកម្ពុជា និងក្រុមលេខ១ពូលA ខេត្តកំពង់ស្ពឺ ខណៈក្រុមវេស្ទើនភ្នំពេញ បើកកីឡដ្ឋានវេស្ទើន ស្វាគមន៍ក្រុមភ្ញៀវ ខេត្តកំពត៕

កម្មវិធីប្រកួតពានរង្វាន់សម្តេច ហ៊ុន សែន ថ្ងៃទី២០ ខែមេសា នេះ៖
ពូល C៖
-ម៉ោង១៨:0០-ភ្នំពេញក្រោន ជួប ខេត្តប៉ៃលិន នៅកីឡដ្ឋាន RSN
-ម៉ោង៣:៣០-មជ្ឈមណ្ឌលកំចាត់មីនកម្ពុជា ជួប ខេត្តកំពង់ស្ពឺ នៅកីឡដ្ឋានកងយោធពលខេមរភូមិន្ទ
-ម៉ោង៣:៣០-ភ្នំពេញវេស្ទើន ជួប ខេត្តកំពត នៅកីឡដ្ឋានវេស្ទើន

ពូល D៖
-ម៉ោង៣:៣០-ណាហ្គាវើល ជួប ខេត្តក្រចេះ នៅពហុកីឡដ្ឋានជាតិ
-ម៉ោង១៨:០០-អគ្គស្នងការនគរបាលជាតិ ជួប ខេត្តស្វាយរៀង នៅពហុកីឡដ្ឋានជាតិ
-ម៉ោង១៨:០០-សៀមរាបអង្គរ ជួប ខេត្តព្រះវិហារ នៅពហុកីឡដ្ឋានខេត្តសៀមរាប។