ព័ត៍មានសុខភាព
អត្ថប្រយោជន៍នៃអង្ករទាំង៣ប្រភេទ
× អង្ករគឺត្រូវបានចែកចេញជាច្រើនប្រភេទណាស់ ហើយប្រភេទនៃអង្ករផ្សេងៗគឺមានអត្ថប្រយោជន៍ផ្សេងគ្នា។ ដូចនេះខាងក្រោមនេះយើងខ្ញុំនឹងប្រាប់អ្នកពីអត្ថប្រយោជន៍ផ្សេងៗនៃអង្ករទាំង៣ប្រភេទដែលអ្នកមិនធ្លាប់ដឹងពីមុន។ តើមានអ្វីខ្លះ?
អង្ករខ្មៅ
នៅក្នុងអង្ករខ្មៅនេះមានសារធាតុចិញ្ចឹមជាច្រើន រួមជាមួយប្រូតេអ៊ីន ពពួកវីតាមីនB កាលស្យូម និងសារធាតុជាច្រើនទៀតដែលអាចជួយធ្វើឲ្យក្រលៀនអ្នកមានសុខភាពល្អ ការពារសរសៃឈាមអ្នកមិនឲ្យស្ទះ ឬកករឹង ចំពោះកុមារវិញ វានឹងជួយធ្វើឲ្យឆ្អឹង និងខួរក្បាលគេលូតលាស់បានល្អ មិនត្រឹមតែប៉ុណ្ណោះ វានឹងជួយធ្វើឲ្យស្ត្រីឆាប់មានកម្លាំងក្រោយសម្រាលកូនរួច។
អង្ករដំណើប
ប្រសិនជាអ្នកចង់ឲ្យរាងកាយអ្នកអាចបញ្ចេញជាតិពុលចេញមកក្រៅ អ្នកអាចញ៉ាំអង្ករដំណើបនេះបាន ព្រោះវាមានប្រូតេអ៊ីន កាលស្យូម វីតាមីនB2 និងសារធាតុចិញ្ចឹមជាច្រើនទៀត។
អង្ករសម្រូប
អង្ករសម្រូបនេះជាអង្ករដែលអាចជួយអ្នករំលាយអាហារបានលឿន ជួយឲ្យក្រពះអ្នកដំណើរការបានល្អ នោះអ្នកនឹងមិនងាយប្រឈមមុខនឹងជំងឺទល់លាមកឡើយ វាក៏អាចជួយបញ្ចុះកាឡូរី ដែលអាចជួយកាត់បន្ថយជំងឺបេះដូង និងជំងឺស្ទះសរសៃឈាមដូចគ្នា៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com