ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ភាពមានបានរបស់រាស្ត្រ ជួបទុក្ខលំបាករបស់រាស្ត្រ គឺជាចំណាត់ការរបស់រដ្ឋក្នុងការដោះស្រាយ។ រាស្ត្រមានបានត្រូវមានមុខរដ្ឋជួយជ្រោមជ្រែង ដើម្បីឲ្យសកម្មភាពបន្តមានព្រោះរាស្ត្រទាំងនោះជាប្រភពចំណូលរបស់រដ្ឋ។ តែបើរាស្ត្រជួបទុក្ខលំបាក ត្រូវមានមុខរដ្ឋជាអ្នកចេញមុខដោះស្រាយ ហើយមិនអាចទម្លាក់បន្ទុកទៅលើអ្នកណាផ្សេងក្រៅពីខ្លួនបានទេ ព្រោះរដ្ឋគឺជាអ្នកកាន់កាប់លើការសម្រេចចិត្តនៅក្នុងការចាយវាយលុយជាតិ។
វាមិនមែនជារឿងដែលចម្លែក និងមិនដែលជួបប្រទះនោះទេ ដែលនៅក្នុងរដ្ឋមួយមានអ្នកមាន មានអ្នកក្រ មានអ្នកទីក្រុង អ្នកជនបទ អ្នកមានអំណាច អ្នកអត់អំណាច។ បើទោះបីជា អ្នកទាំងនោះមានប្រភព មានឋានៈសង្គមខុសគ្នា ប៉ុន្តែពួកគេនៅតែជាធាតុរបស់សង្គម ហើយមានតម្លៃដូចគ្នាចំពោះសង្គម។
ប្រសិនបើភ្នាក់ងារសង្គមទាំងនេះមានតម្លៃចំពោះសង្គមដូចគ្នា ហេតុនេះរដ្ឋត្រូវធានាភាពត្រឹមត្រូវជូនប្រជាជន។ រដ្ឋត្រូវ ធ្វើឲ្យពលរដ្ឋមានសុខភាពល្អ ធ្វើឲ្យពួគេមានចំណេះដឹងពិត មានទាំងកម្លាំងកាយ មានទាំងកម្លាំងប្រាជ្ញា ដើម្បីក្លាយជាធនធានមនុស្សប្រកបដោយគុណភាព ដែលសង្គមត្រូវការ។
រដ្ឋត្រូវធានាឲ្យបាន ភាពយុត្តិធម៌សង្គម ធានាសិទ្ធិពេញលេញ សេរីភាព ជូនដល់ប្រជាពលរដ្ឋគ្រប់រូប។ រដ្ឋត្រូវបណ្ដុះភ្នាក់ងារសង្គមរបស់ខ្លួនឲ្យក្លាយជាពលរដ្ឋសកម្ម ដើម្បីរួមចំណែកកសាងសង្គមទាំងផ្នែក សង្គមកិច្ច សេដ្ឋកិច្ច និងនយោបាយ ជាពិសេសគឺក្នុងសកម្មភាពលើកស្ទួយដំណើរវិវត្តសេដ្ឋកិច្ចជាតិឲ្យកាន់តែប្រសើឡើង និងរួមគ្នាកសាងសង្គមមួយដែលមានភាពថ្លៃថ្នូរ។
ក៏ប៉ុន្តែ នៅពេលចុះអនុវត្តការងារ ក្នុងនាមជារដ្ឋមិនត្រូវប្រកាន់និន្នាការនយោបាយ និងយល់ថាខ្លួនឯងមានសម្ពាធ ព្រោះតែទទួលបន្ទុកការងារដ៏លំបាកទាំងនោះទេ។ ព្រោះថាកិច្ចការងាររបស់ខ្លួនគឺជួយជាតិ អភិវឌ្ឍន៍ជាតិ ពេលជាតិជួបបញ្ហា រដ្ឋត្រូវតែចេញមុខជាដាច់ខាត់។ តែបើយល់ថាខ្លួនមិនអាចធ្វើកិច្ចការទាំងនោះបានទេ ខ្លួនគ្មានសមត្ថភាពដោះស្រាយទេ ឬថាកិច្ចការទាំងនោះវាហួសពីសមត្ថភាព របស់ខ្លួន មន្ត្រីរដ្ឋបែបនោះគួរណាស់នាំគ្នាលាឈប់ ហើយរៀបចំអ្នកមានសមត្ថភាព ដែលគេមានមនសិការ និងឆន្ទៈពិតឲ្យបន្តរដោះស្រាយបញ្ហាជាតិ។ បើមន្ត្រីចាស់ដឹងថាខ្លួនមិនអាចធ្វើបានគួរណាស់រីករាយក្នុងការលះបង់មុខនាទី និងដំណែងខ្លួន ជាជាងទ្រាំងអង្គុយប៉ែងជើងគ្នា ហើយសម្លឹងមើលភយន្តរាយដែលកើតមានចំពោះជាតិជាបន្តបន្ទាប់។
ជារួម មន្ត្រីរដ្ឋទាំងអស់ត្រូវប្រាកដក្នុងចិត្តថា ខ្លួនចង់កែប្រែជាតិទើបទៅកាន់ការងាររដ្ឋ។ មន្ត្រីនយោបាយទាំងអស់ ត្រូវច្បាស់ក្នុងចិត្តថា ខ្លួនមានគោលនយោបាយថ្មីដែលអាចធ្វើឲ្យជាតិរីកចម្រើនទើបខំធ្វើនយោបាយដើម្បីបានទៅកាន់ក្បាលម៉ាស៊ីនដឹកនាំរដ្ឋ មានសិទ្ធិក្នុងការធ្វើសេចក្ដីសម្រេចចិត្តបាន។ តែបើមិនទាន់ស្គាល់តួនាទីថា មន្ត្រីរដ្ឋ ថ្នាក់ដឹកនាំរដ្ឋត្រូវធ្វើអ្វីទេ គួរណាស់មេត្តាយល់ពីទឹកភ្នែករាស្ត្រ នៅពេលដែលខ្លួនបង្ករបញ្ហាដល់ប្រជាជន៕
វាមិនមែនជារឿងដែលចម្លែក និងមិនដែលជួបប្រទះនោះទេ ដែលនៅក្នុងរដ្ឋមួយមានអ្នកមាន មានអ្នកក្រ មានអ្នកទីក្រុង អ្នកជនបទ អ្នកមានអំណាច អ្នកអត់អំណាច។ បើទោះបីជា អ្នកទាំងនោះមានប្រភព មានឋានៈសង្គមខុសគ្នា ប៉ុន្តែពួកគេនៅតែជាធាតុរបស់សង្គម ហើយមានតម្លៃដូចគ្នាចំពោះសង្គម។
ប្រសិនបើភ្នាក់ងារសង្គមទាំងនេះមានតម្លៃចំពោះសង្គមដូចគ្នា ហេតុនេះរដ្ឋត្រូវធានាភាពត្រឹមត្រូវជូនប្រជាជន។ រដ្ឋត្រូវ ធ្វើឲ្យពលរដ្ឋមានសុខភាពល្អ ធ្វើឲ្យពួគេមានចំណេះដឹងពិត មានទាំងកម្លាំងកាយ មានទាំងកម្លាំងប្រាជ្ញា ដើម្បីក្លាយជាធនធានមនុស្សប្រកបដោយគុណភាព ដែលសង្គមត្រូវការ។
រដ្ឋត្រូវធានាឲ្យបាន ភាពយុត្តិធម៌សង្គម ធានាសិទ្ធិពេញលេញ សេរីភាព ជូនដល់ប្រជាពលរដ្ឋគ្រប់រូប។ រដ្ឋត្រូវបណ្ដុះភ្នាក់ងារសង្គមរបស់ខ្លួនឲ្យក្លាយជាពលរដ្ឋសកម្ម ដើម្បីរួមចំណែកកសាងសង្គមទាំងផ្នែក សង្គមកិច្ច សេដ្ឋកិច្ច និងនយោបាយ ជាពិសេសគឺក្នុងសកម្មភាពលើកស្ទួយដំណើរវិវត្តសេដ្ឋកិច្ចជាតិឲ្យកាន់តែប្រសើឡើង និងរួមគ្នាកសាងសង្គមមួយដែលមានភាពថ្លៃថ្នូរ។
ក៏ប៉ុន្តែ នៅពេលចុះអនុវត្តការងារ ក្នុងនាមជារដ្ឋមិនត្រូវប្រកាន់និន្នាការនយោបាយ និងយល់ថាខ្លួនឯងមានសម្ពាធ ព្រោះតែទទួលបន្ទុកការងារដ៏លំបាកទាំងនោះទេ។ ព្រោះថាកិច្ចការងាររបស់ខ្លួនគឺជួយជាតិ អភិវឌ្ឍន៍ជាតិ ពេលជាតិជួបបញ្ហា រដ្ឋត្រូវតែចេញមុខជាដាច់ខាត់។ តែបើយល់ថាខ្លួនមិនអាចធ្វើកិច្ចការទាំងនោះបានទេ ខ្លួនគ្មានសមត្ថភាពដោះស្រាយទេ ឬថាកិច្ចការទាំងនោះវាហួសពីសមត្ថភាព របស់ខ្លួន មន្ត្រីរដ្ឋបែបនោះគួរណាស់នាំគ្នាលាឈប់ ហើយរៀបចំអ្នកមានសមត្ថភាព ដែលគេមានមនសិការ និងឆន្ទៈពិតឲ្យបន្តរដោះស្រាយបញ្ហាជាតិ។ បើមន្ត្រីចាស់ដឹងថាខ្លួនមិនអាចធ្វើបានគួរណាស់រីករាយក្នុងការលះបង់មុខនាទី និងដំណែងខ្លួន ជាជាងទ្រាំងអង្គុយប៉ែងជើងគ្នា ហើយសម្លឹងមើលភយន្តរាយដែលកើតមានចំពោះជាតិជាបន្តបន្ទាប់។
ជារួម មន្ត្រីរដ្ឋទាំងអស់ត្រូវប្រាកដក្នុងចិត្តថា ខ្លួនចង់កែប្រែជាតិទើបទៅកាន់ការងាររដ្ឋ។ មន្ត្រីនយោបាយទាំងអស់ ត្រូវច្បាស់ក្នុងចិត្តថា ខ្លួនមានគោលនយោបាយថ្មីដែលអាចធ្វើឲ្យជាតិរីកចម្រើនទើបខំធ្វើនយោបាយដើម្បីបានទៅកាន់ក្បាលម៉ាស៊ីនដឹកនាំរដ្ឋ មានសិទ្ធិក្នុងការធ្វើសេចក្ដីសម្រេចចិត្តបាន។ តែបើមិនទាន់ស្គាល់តួនាទីថា មន្ត្រីរដ្ឋ ថ្នាក់ដឹកនាំរដ្ឋត្រូវធ្វើអ្វីទេ គួរណាស់មេត្តាយល់ពីទឹកភ្នែករាស្ត្រ នៅពេលដែលខ្លួនបង្ករបញ្ហាដល់ប្រជាជន៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
