កីឡាជាតិ
ជាតិ
មុនប៉ះចិន-តៃប៉ិ កម្ពុជាស្វាគមន៍ទីម័រខាងកើតនៅថ្ងៃទី២៩ ខែឧសភា សុក ច័ន្ទរស្មី ដែលជាកីឡាករបម្រុង បានស៊ុតបាល់បញ្ចូលទីទាំងបីគ្រាប់ក្នុងជ័យជម្នះ ៣-២ លើទីម័រខាងកើតនាវគ្គជម្រុះ Suzuki Cup នៅឡាវកាលពីឆ្នាំ២០១៤
× នៅមុនយុទ្ធនាការប្រកួត Play-off វគ្គជម្រុះជុំទីបីនៃព្រឹត្តិការណ៍ AFC Asian Cup ក្រុមកីឡាបាល់ទាត់ជម្រើសជាតិកម្ពុជា ស្វាគមន៍ក្រុមជម្រើសជាតិទីម័រខាងកើតសម្រាប់ជំនួបមិត្តភាពអន្តរជាតិ នាថ្ងៃទី២៩ ខែឧសភា ខាងមុខនេះ។
យោងតាមកាលវិភាគប្រកួតដែលផ្សាយនៅលើគេហទំព័រផ្លូវការរបស់សហព័ន្ធកីឡាបាល់ទាត់អន្តរជាតិ (FIFA) កម្ពុជាត្រូវធ្វើជាម្ចាស់ផ្ទះទទួលទីម័រខាងកើតសម្រាប់ជំនួបមិត្តភាពនៅពហុកីឡដ្ឋានជាតិ នាវេលាម៉ោង៧ល្ងាច ថ្ងៃទី២៩ ខែឧសភា។
កម្ពុជា និងទីម័រខាងកើត សុទ្ធតែមានបេសកកម្មរៀងៗខ្លួន ក្នុងការប្រកួតវគ្គ Play-off វគ្គជម្រុះជុំទីបីនៃព្រឹត្តិការណ៍ AFC Asian Cup 2019 ដោយកម្ពុជាត្រូវប៉ះចិន-តៃប៉ិ ខណៈទីម័រខាងកើតជួបម៉ាឡេស៊ី។
បន្ទាប់ពីជំនួបមិត្តភាពជាមួយទីម័រខាងកើត កម្ពុជាត្រូវទៅប្រកួតនៅទឹកដីចិន-តៃប៉ិ សម្រាប់ជើងទីមួយនាថ្ងៃទី២ ខែមិថុនា មុននឹងធ្វើជាម្ចាស់ផ្ទះវិញនាថ្ងៃទី៧ ខែមិថុនា៕
Tag:
បាល់ទាត់
ជម្រើសជាតិ
AFC Asian Cup
© រក្សាសិទ្ធិដោយ thmeythmey.com