ពីនេះ ពីនោះ
លែងចាបរំដោះគ្រោះ កុំភ្លេចសង្គ្រោះអ្នកខ្សត់!
×
និពន្ធដោយ ប៉ាកកាខ្មៅ!
កំណាព្យបទ ពាក្យ៨
- បានតាក់តែងកាយកុំណាយតែងចិត្ត កុំចោលសុចរឹតផ្សាយចិត្តមេត្តា
តូចធំមានក្រឬក៏ឧកញ៉ា ក្រុងស្រែឬផ្សារគួររអាបាប។
- ចូលឆ្នាំបានជុំកុំងំភ្លេចទាន ជួយអ្នកអត់ឃ្លានយំក្បែរសំយ៉ាប
គួរជួយអ្នកខ្សត់បានមុនលែងចាប បង្អែមចម្អាបជានំចំណី។
- បើបានទៅវត្តកុំភ្លាត់ភ្លេចខ្លួន ស្លៀកពាក់សមសួនកុំខើចខិតខ្លី
ម៉ូដស្តើងវាលខ្លាំងបញ្ចាំងសាច់ខ្ចី ខ្លាចញាតិប្រុសស្រីគេស្តីដៀលថា។
- បើបានផឹកស៊ីកុំវីវក់ភ្លេច ជល់កែវទង្គិចកុំភ្លេចអាត្មា
ស្រវឹងរករឿងអួតសឿងហានក្លា អាងកាប់ប្រហារលបវាយទាត់ធាក់។
- ពេលរាំឬច្រៀងកុំដៀងឌឺដង ពារប៉ះគ្នាម្តងកុំអាងខ្វែវផ្គាក់
សុំទោសញញឹមរាប់អានរាក់ទាក់ ចូលឆ្នាំថ្មីជាក់យើងសុខសប្បាយ។
© រក្សាសិទ្ធិដោយ thmeythmey.com