កីឡាជាតិ
បឹងកេតជួបប៉ូលិស ថាយហ្គឺរប៉ះណាហ្គា បន្ទាប់ពីទ័ពបន្តនាំមុខគេលើតារាង
× បន្ទាប់ពីក្រុមក្រសួងការពារជាតិ(ទ័ព) ស៊ី អាស៊ីអឺរ៉ុប ២-១ កាលពីម្សិលមិញ នៅកីឡដ្ឋានកងយោធពលខេមរភូមិន្ទ នៃការប្រកួតវិលជុំសប្តាហ៍ទី៧ ពានរង្វាន់ក្របខណ្ឌមិត្តហ្វូនខេមបូឌានលីករដូវកាល ២០១៦ នាល្ងាចថ្ងៃទី៨ ខែឧសភា នេះ នៅពហុកីឡដ្ឋានជាតិ ក្រុមអគ្គស្នងការនគរបាលជាតិ ជួបប្រកួតជាមួយក្រុមឈរលេខរៀងទី២ បឹងកេតអង្គរអែហ្វស៊ី មុនក្រុមខេមបូឌានថាយហ្គឺរ ប៉ះ ណាហ្គាវើល។
ក្រោយពីក្រុមទ័ព យកឈ្នះលើក្រុមអាស៊ីអឺរ៉ុបយូណាយធីត ២-១ ក្រុមស៊ីម៉ាក់ យកឈ្នះ ក្រុមវេស្ទើន ៤-២ កាលពីម្សិលមិញ នាល្ងាចនេះ ក្រុមឈរលំដាប់លេខរៀងទី២ បឹងកេតអង្គរ ជួបប្រកួតជាមួយក្រុមដែលចាញ់ខេមបូឌានថាយហ្គឺរ ២-១ កាលពីសប្តាហ៍ទី៦ អគ្គស្នងការនគរបាលជាតិ ដើម្បីទទួលបាន៣ពិន្ទុសម្រាប់ប្រជែងជាមួយក្រុមទ័ព ដែលកំពុងឈរនៅកំពូលតារាង ដោយមាន១៨ពិន្ទុ ខណៈខ្លួនមាន១៥ពិន្ទុ។ ចំណែកកក្រុមខេមបូឌានថាយហ្គឺរ ត្រូវជួបប្រកួតជាមួយក្រុម ណាហ្គាវើល នាពហុកីឡដ្ឋានជាតិនេះផងដែរ។
គួរបញ្ជាក់ផងដែរថា សម្រាប់ការប្រកួតកាលពីម្សិលមិញក្រុមក្រសួងការពារជាតិនៅតែបន្តឈរកំពូលតារាង ក្រោយពីយកឈ្នះក្រុមអាស៊ីអឺរ៉ុប ២-១ នៅកីឡដ្ឋានកងយោធពលខេមរភូមិន្ទ ដោយមាន១៨ពិន្ទុ ខណៈអាស៊ីអឺរ៉ុបនៅបន្តឈរនៅបាតតារាងដដែល។
ចំណែកក្រុមស៊ីម៉ាក់ បានយកឈ្នះលើក្រុមវេស្ទើនភ្នំពេញ ៤-២ នៅពហុកីឡដ្ឋានជាតិ ធ្វើឲ្យក្រុមនេះទទួលបាន៣ពិន្ទុ សម្រាប់ឈរលំដាប់លេខរៀងទី៧ ដោយមាន៧ពិន្ទុ ខណៈវេស្ទើនភ្នំពេញឈរលេខរៀងបន្ទាប់ពីបាតតារាង ដោយមាន៣ពិន្ទុ៕
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com