ជាតិ
គ្រោះពេលទឹកប្តូរនិស្ស័យចូលក្នុងពោះ
× គ្រោះពេលទឹកប្តូរនិស្ស័យចូលក្នុងពោះ
កំណាព្យបទ កាកគតិ
-ទឹកប្តូរនិស្ស័យ មិនថាថោកថ្លៃ អាចប្តូរចរឹត
គេប្រាប់តគ្នា មានប្រាំកម្រិត មិនមានក្រមក្រឹត្យ
ថាតាមចំណាំ។
-កំរឹតទី១ ផឹកហាក់មិនព្រួយ រឿងអីក៏ចាំ
តាំងខ្លួនអ្នកប្រាជ្ញ មិនខ្លាចគេសាំ លើក្រោមឆ្វេងស្តាំ
ចាំទាំងក្នុងក្រៅ។
-កំរឹតទី២ បែបឡើងស៊េរី សេដ្ឋីដង្ខៅ
ពេលផឹកអស់ស្រា សាច់ក្លែមថែមហៅ អួតប្រាប់ញាតិផៅ
ខ្ញុំអ្នកចេញលុយ។
-ដល់កំរិត៣ ផឹកលែងគិត មិនខ្ចីងងុយ
បែបសិល្បករ រាំឈអង្គុយ ពេលខ្លះតឺនុយ
ជ្រុះបាត់ស្បែកជើង។
-ចូលកម្រិត៤ ផឹកតាំងអួតខ្លួន ប្រើដាវកាំភ្លើង
បែបគុណនិយម ផឹកអួតដៃជើង តាំងខ្លួនទំនើង
មិនខ្លាចនរណា។
-ចុងក្រោយគួរចាំ ដល់កំរឹត៥ ជាអ្នកអស្ចារ្យ
ចេះបំបាំងកាយ ខុសពេលធម្មតា ស្វាងសួរគេថា
មកផ្ទះយ៉ាងមេច?
និពន្ធដោយប៉ាកកាខ្មៅ
© រក្សាសិទ្ធិដោយ thmeythmey.com