កីឡាជាតិ
ជាតិ
អត្តពលកម្មប្រកួតតេស្តិ៍សមត្ថភាព ដើម្បីផ្លាស់ប្តូរបរិយាកាស និងកាត់បន្ថយភាពតានតឹង
×![]()
សហព័ន្ធកីឡាខ្មែរអត្តពលកម្មកម្ពុជាបានរៀបចំការប្រកួតរត់ប្រណាំងសាកល្បងសមត្ថភាពកីឡាករ-កីឡាការិនីឈុតធំ និងដើម្បីផ្លាស់ប្តូរបរិយាកាស ក៏ដូចជាកាត់បន្ថយភាពតានតឹងនៅក្នុងការហ្វឹកហាត់នៅរាជធានីភ្នំពេញ។ ការប្រកួតនេះប្រព្រឹត្តទៅកាលពីថ្ងៃទី៨ ខែឧសភា នៅខេត្តកែប ដោយមានកីឡាករកីឡាការិនីចូលរួមចំនួន១៤នាក់(ស្រី២នាក់)។
ដើម្បីកាត់បន្ថយភាពតានតឹង និងផ្លាស់ប្តូរបរិយាកាសពីរាជធានីភ្នំពេញ សហព័ន្ធកីឡាខ្មែរអត្តពលកម្មកម្ពុជា បានរៀបចំការប្រកួតតេសសមត្ថភាពកីឡាករកីឡាការិនីឈុតធំ នៅខេត្តកែប កាលពីថ្ងៃទី៨ ខែឧសភា។ ការប្រកួតនេះមានកីឡាករកីឡាការិនីចូលរួមប្រកួតចំនួន១៤ រួមមាន កីឡាករ ហ៊ីរ៉ូ ស៊ី នេកូ, ម៉ា វីរ៉ូ, ឃុត ស្រស់, ហៃ ចាន់ថល់, ផាន សុភ័ក្រ, កាំង ប៊ុនធឿន, ដឺហ្វុង យ៉ាន, ថៃ សុគុណ, សូ វ៉ាន់ថា, កៀង សាម៉ន, ភារុណ, ទី រតនៈ, កីឡាការិនី ហេង ម៉ីជូ និងកីឡាការិនី សូ ភ័ក្ត្រា។
កីឡាករកីឡាការិនីទាំងនេះ ធ្វើការប្រកួតលើវិញ្ញាសាចំនួន៤ គឺវិញ្ញាសារត់ចម្ងាយ ៤២គីឡូម៉ែត្របុរស, ២១គីឡូម៉ែត្របុរស, ១០គីឡូម៉ែត្របុរស និងវិញ្ញាសា១០គីឡូម៉ែត្រនារី។ វិញ្ញសា ៤២គីឡូម៉ែត្រ មានកីឡាករចូលរួមចំនួន៤នាក់(ហ៊ីរ៉ូ ស៊ីនេកូ, ម៉ា វីរ៉ូ, ឃុត ស្រស់ និង ហៃ ចាន់ថល់) ឬឯវិញ្ញាសា២១គីឡូម៉ែត្រមានចំនួន៥នាក់(ផាន សុភ័ក្រ, កាំង ប៊ុនធឿន, ដឺហ្វុង យ៉ាន, ថៃ សុគុណ និងសូ វ៉ាន់ថា) ចំណែកវិញ្ញសា១០គីឡូម៉ែត្របុរសមានចំនួន៣នាក់(កៀង សាម៉ន, ភារុណ, ទី រតនៈ) និងវិញ្ញាសា១០គីឡូម៉ែត្រនារីមានចំនួន២នាក់(កីឡាការិនី ហេង ម៉ីជូ និងកីឡាការិនី សូ ភ័ក្ត្រា)។
ក្រោយបញ្ចប់ការប្រកួតសាកល្បងសមត្ថភាព សម្រាប់វិញ្ញាសា៤២គីឡូម៉ែត្រកីឡាករ ហ៊ីរ៉ូ ស៊ីនេកូ ទទួលបានចំណាត់ថ្នាក់លេខ១ ខណៈលេខ២បានទៅ កីឡាករ ម៉ា វីរ៉ូ ឬឯ កីឡាករ ឃុត ស្រស់ លេខ៣ និងលេខ៤ កីឡាករ ហៃ ចាន់ថល់។ វិញ្ញាសា ២១គីឡូម៉ែត្រ លេខ១បានទៅកីឡាករ ផាន សុភ័ក្រ លេខ២ កាំង ប៊ុនធឿន លេខ៣ ដឺហ្វុង យ៉ាន លេខ៤ ថៃ សុគុណ និងលេខ៥ សូ វ៉ាន់ថា។ វីញ្ញាសា ១០គីឡូម៉ែត្របុរស លេខ១បានទៅ កៀង សាម៉ន លេខ២ កីឡាករ ភារុណ និងលេខ៣ កីឡាករ ទី រតនៈ។ ចំណែកវិញ្ញាសា១០គីឡូម៉ែត្រនារីចំណាត់លេខ១បានទៅលើ ហេង ម៉ីជូ និងលេខ២បានទៅកីឡាការិនី សូ ភ័ក្ត្រា។
ជាមួយគ្នានេះ កីឡាការិនី ហេង ម៉ីជូ បានឲ្យដឹងថា ការប្រកួតនេះមិនមានការចាត់ចំណាត់ថ្នាក់នោះទេ វាជាការប្រកួតសាកល្បងសមត្ថភាព និងដើម្បីផ្តាស់ប្តូរបរិយាកាស និងកាត់បន្ថយភាពតានតឹងតែពីរាជធានីភ្នំពេញតែប៉ុណ្ណោះ។ ហើយការប្រកួតសហព័ន្ធតែងតែធ្វើជារៀងរាល់ ២ខែម្តង៕
Tag:
អត្តពលកម្ម
© រក្សាសិទ្ធិដោយ thmeythmey.com
