កីឡាជាតិ
យ៉ានតាមដងផ្លូវ
×![]()
ដោយ: នាយយ៉ាន
ពាក្យណែនាំលេខ៣
មានសំឡេង
កីឡាអត្តពលកម្មសុទ្ធតែវិញ្ញាសាលេងជាបុគ្គល មិនមែនជាក្រុមទេ លើកលែងតែ រត់រ៊ឺលែ (រត់បណ្ដាក់) ដែលជាចំងាយខ្លី (4x100m ឬ4x400m)។ បើដូច្នេះហាត់ជាមួយអ្នកដទៃធ្វើអ្វី? ចំណេញអ្វី? ខាតអ្វី?
ប្រសិនបើលោកអ្នកចេះប្រឹងប្រែង ចេញទៅរត់កីឡាម្នាក់ឯងល្អ ពិព្រោះហាត់ប្រាណពេលណាក៏បាន កន្លែងណាក៏បាន ល្បឿនណាក៏បាន តាមចិត្តយើងចង់។
បើសិនជាលោកអ្នកមានចិត្តចង់រត់ តែនៅខ្ជិល រត់ជាគូវាសម។ វាជួយលើកទឹកចិត្ត។ ពីរនាក់រត់បានលឿនជាង។ ប៉ុន្តែបើកំលាំងពីរនាក់ខុសគ្នា កីឡាករដែលរត់លឿនត្រូវតែរង់ចាំ បន្ថយល្បឿន យូរៗទៅគាត់អាចធុញ។
កីឡាករអត្តពលកម្មខ្លះហាត់ជាក្រុម ឧទាហរណ៍ដូចជានៅពហុកីឡាដ្ឋានអូឡាំពិក រាជធានីភ្នំពេញ។ ក្រុមខ្លះក៏ប្រើបណ្ដាញ facebook ដែរ*។ រត់ជាក្រុមវាពិបាករៀបចំ ត្រូវមានណាត់ជួបគ្នា ត្រូវរង់ចាំកីឡាករដែលមកដល់យឺតម៉ោង ក៏ប៉ុន្តែមិត្តភាពជួយលើកទឹកចិត្ត ជាពិសេសក្នុងករណីហាត់លើសពី១ម៉ោង ព្រោះអ្នករត់ខ្លះអផ្សុក។ ហាត់ប្រាណច្រើននាក់ជាមួយគ្នា លែងមានការធុញថប់ហើយ។ ពេលដំបូងចាកចេញដំណើររួមគ្នា បន្ទាប់មកចាប់ផ្ដើមមានក្រុមតូចៗ តាមល្បឿនរបស់គេ។ ដូច្នេះអ្នកយឺតមិនត្រូវការប្រឹងពេក និងជើងខ្លាំងមិនត្រូវការបន្ថយល្បឿន។
ហេតុនេះត្រូវស្គាល់ខ្លួនឯង : អ្នកកីឡាខ្លះអាចរត់ម្នាក់ឯងបាន អ្នកកីឡាខ្លះមិនអាច។ ម្យ៉ាងទៀតអាស្រ័យតាមលំហាត់ : ចំណែកខ្ញុំវិញ បើត្រូវហាត់ប្រាណធម្មតាៗ ល្បឿនថេរ ខ្ញុំរត់ម្នាក់ឯងទៅ។ បើត្រូវហាត់ល្បឿនលើរង្វង់នៅស្តាត ២ឬ៣នាក់ រត់បានលឿនជាងម្នាក់ឯង។ ហើយបើត្រូវហាត់ចំងាយឆ្ងាយ កាលពីមុនខ្ញុំហាត់ជាមួយក្រុម «កីឡាតស៊ូ» ដើម្បីរត់ដល់ ៣០គីឡូមែ៉ត្រឡើងទៅ។
ដូច្នេះហើយលោកអ្នកត្រូវដឹងថាខ្លួនសមនឹងហាត់ប្រាណតាមរបៀបណា។ តែបទពិសោធរបស់ខ្ញុំគឺ ខ្ញុំមិន ដែលបានរីកចំរើនខ្លាំងជាងពេល ដែលខ្ញុំបានរត់ជាមួយកីឡាករឯទៀតៗ ដែលខ្លាំងជាងខ្ញុំ…
* Running in Cambodia : https://www.facebook.com/groups/818067681572739/?fref=ts
* KH Runners : https://www.facebook.com/groups/1490311917926614/?fref=ts
* Racing in Cambodia : https://www.facebook.com/groups/1029828787080136/?fref=ts
Tag:
នាយ យ៉ាន រត់ចំងាយ
© រក្សាសិទ្ធិដោយ thmeythmey.com
