ពីនេះ ពីនោះ
ល្បិច«ដឹងតែធ្វើមិនដឹង»ភាគច្រើនជាល្បិចអ្នករៀនទស្សនវិជ្ជា
× ភ្នំពេញ៖ «ដឹងតែធ្វើមិនដឹង» មានន័យថា ដឹងច្បាស់ពីរឿងអ្វីមួយហើយ តែមានចេតនាពើធ្វើមិនដឹង។ ល្បិចប្រភេទនេះ គឺច្រើនតែជាវិធីសាស្ត្ររបស់អ្នករៀនខាងទស្សនវិជ្ជា ដែលចង់ស្ទាប់ស្ទង់សមត្ថភាពដៃគូរ ឬអ្នកមានសមត្ថភាពដែលនៅជិតខ្លួន។ ហើយក៏ជាទង្វើការពារអាត្មាខ្លួន ក្នុងគោលបំណង ចៀសឲ្យផុតពីសេចក្ដីខុស និងត្រូវ។
នៅក្នុងសុភាសិតចិនមួយបាននិយាយថា «មិនចេះធ្វើពើធ្វើថ្លង់ មិនអាចធ្វើលោកម្ចាស់បានទេ»។ យ៉ាងណាមិញ «ដឹងតែធ្វើមិនដឹង»បើប្រើជាល្បិចកលវិញ មិនមែនគឺដើម្បីការពារខ្លួននោះទេ។ ប៉ុន្តែល្បិចកល គឺប្រើសម្រាប់ទប់ទល់និងអ្នកដទៃ។
ចំពោះកិច្ចការអ្វីមួយដឹងហើយធ្វើពើមិនដឹង ពិតជាមិនងាយស្រួលនោះទេ ចាំបាចត្រូវមានការអប់រំខ្ពស់ទើបអាចធ្វើទៅកើត។ មូលហេតុដែលមានការបែងចែកមនុស្សឈ្លាសវៃ និងមនុស្សល្ងង់ខ្លៅ គឺស្ថិតនៅត្រង់ដឹង ឬ មិនដឹង អាចធ្វើពើ ឬមិនអាចធ្វើពើនោះឯង។
ជនល្ងង់ខ្លៅ មិនអាចវាស់ជម្រៅអ្នកចេះដឹងបាន តែងនិយាយថា «ពួកគេទាំងនោះ ជាមនុស្សលាក់ពុត ហើយក្រឡិចក្រឡុច ធ្វើអ្វីក៏ដោយ រកយល់មិនបានទាល់តែសោះ»។ នៅត្រង់ «រកយល់មិនបាន» នេះហើយ ដែលជាចំណុចពិសេសរបស់អ្នកចេះនោះ។ នេះហើយហៅថា អ្នកចេះធ្វើភ្លើ ជាអំពើដែលមនុស្សសាមញ្ញយល់មិនដល់។
ដកស្រង់ពីសៀវភៅ៖ ល្បិចទល់មេឃ, ប្រែសម្រួលដោយ គីម ឃាង
© រក្សាសិទ្ធិដោយ thmeythmey.com