ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោក ស៊ុន ចាន់ថុល ទៅប្រាប់ផ្ទាល់ដល់យានដ្ឋានជួសជុលនិងកែច្នៃរថយន្តមួយកន្លែងឲ្យទៅចុះបញ្ជី
17, May 2016 ,
4:30 pm
រូបភាព
×
ដោយ:
នៅថ្ងៃទី១៦ខែឧសភាលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ដឹកនាំក្រុមការងារមួយក្រុមទៅត្រួតពិនិត្យផ្លូវជាតិក្នុងខេត្តចំនួន៣ រួមមាន ខេត្តកំពង់ចាម, ត្បូងឃ្មុំ និងខេត្តព្រៃវែង។ ក្នុងពេលកំពុងធ្វើដំណើរលើផ្លូវជាតិលេខ១១ ស្ថិតក្នុងខេត្តត្បូងឃ្មុំ លោក ស៊ុន ចាន់ថុល បានប្រទះឃើញ និងទៅជួបផ្ទាល់ជាមួយម្ចាស់យានដ្ឋានជុសជុលនិងកែច្នៃគ្មានយីហោមួយកន្លែង ស្ថិតក្នុងស្រុកអូរាំងអូវ។
លោក ស៊ុន ចាន់ថុល បានសាកសួរដោយផ្ទាល់ទៅម្ចាស់យានដ្ឋាន ដែលមានឈ្មោះ វុធ្ធី ទើបដឹងថា យានដ្ឋាននេះ ធ្វើអាជីវកម្មគ្មានច្បាប់អនុញ្ញាតនោះទេ។ លោក ស៊ុន ចាន់ថុល ក៏ណែនាំឲ្យម្ចាស់យានដ្ឋានរូបនេះ ទៅចុះបញ្ជីនៅមន្ទីសាធារណការ។
រដ្ឋមន្ត្រីក្រសួងសាធារណការ និងដឹកជញ្ជូនរូបនេះ បានថ្លែងប្រាប់អ្នកសារព័ត៌មានដែលធ្វើដំណើរជាមួយនឹងលោកដែរនោះថា នេះគឺជាយានដ្ឋានជូសជុល និងកែច្នៃមួយកន្លែងក្នុងចំណោមយានដ្ឋានចំនួន ១៩២៣ ដែលមិនទាន់ចុះបញ្ជី។ ជាថ្មីម្តងទៀត លោក ស៊ុន ចាន់ថុល អំពាវនាវដល់យានដ្ឋានទាំង ១៩២៣ ទីតាំងឲ្យទៅចុះបញ្ជី ធ្វើអាជីវកម្មស្របច្បាប់។ លោកព្រមានថា បើយានដ្ឋានទាំងនោះ នៅតែមិនទៅចុះបញ្ជីទៀត លោកនឹងបញ្ជាឲ្យបិទយានដ្ឋានគ្មានច្បាប់ទាំងអស់នោះ។
លោក ស៊ុន ចាន់ថុល បន្ថែមទៀតថា កាកែច្នៃរថយន្ត ដើម្បីដឹកទំនិញបានច្រើន លើសទម្ងន់ច្បាប់កំណត់ គឺជាការបំផ្លាញផ្លូវថ្នល់ ដែលត្រូវបានសាងសង់អស់ប្រាក់រាប់ពាន់លានដុល្លារ។
លោ វុធ្ធី ដែលជាម្ចាស់យានដ្ឋានគ្មានច្បាប់អនុញ្ញាត បានឲ្យដឹងថា លោកបើកដំណើរការអាជីវកម្មនៅទីនោះអស់រយៈពេល២ឆ្នាំហើយ តែមិនដែលដឹងថា ច្បាប់តម្រូវឲ្យចុះបញ្ជីនោះទេ។ លោក បន្ថែមថា កន្លងមកមានខាងមន្ទីរធ្លាប់មកត្រួតពិនិត្យដែរ តែមិនមានការណែនាំឲ្យទៅចុះបញ្ជីឡើយ។ តែក្រោយមានការណែនាំផ្ទាល់ពីរដ្ឋមន្ត្រីហើយនោះ លោក វុធ្ធី ឲ្យដឹងទៀតថា លោកនឹងទៅចុះបញ្ជី ព្រោះនេះជាការតម្រូវរបស់ក្រសួងសម្រាប់យានដ្ឋានទូទាំងប្រទេស៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស៊ុន ចាន់ថុល
កែច្នៃរថយន្ត
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម