ជាតិ
នយោបាយជាតិ
តុលាការកោះហៅ ឯកឧត្តម កឹម សុខា ជាលើកទី២ ពាក់ព័ន្ធអំពើសញ្ចារកម្ម
× តុលាការ កោះហៅឯកឧត្តម កឹម សុខា ជាលើកទី២ ដើម្បីចូលខ្លួនបំភ្លឺក្នុងនាមជាសាក្សី ជុំវិញអំពើសញ្ចារកម្ម។ នេះជាលើកទី២ហើយ ដែលតុលាការកោះហៅឯកឧត្តម កឹម សុខា បន្ទាប់ពីអនុប្រធានបក្សសង្គ្រោះជាតិរូបនេះ បានច្រានចោលដីកាកោះហៅលើកទី១ ។
លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចេញដីកាកោះហៅជាលើកទី២ ឲ្យឯកឧត្តម កឹម សុខា អនុប្រធានគណបក្សសង្គ្រោះជាតិ បង្ហាញខ្លួន នៅតុលាការក្នុងនាមជាសាក្សី ទាក់ទងនឹងដំណើររឿង សញ្ចារកម្ម។ យោងតាមដីកាកោះហៅលើកទី២នេះ ឯកឧត្តម កឹម សុខា ត្រូវទៅកាន់តុលាការ នៅថ្ងៃទី២៦ ខែឧសភា ខាងមុខ។
សារព័ត៌មានថ្មីៗ មិនអាចទាក់ទងសុំការបញ្ជាក់ពីអ្នកនាំពាក្យគណបក្សសង្គ្រោះជាតិ ថាតើឯកឧត្តម កឹម សុខា នឹងចូលទៅកាន់តុលាការ ឬ បដិសេធជាលើកទី២ ទៀតនោះឡើយ។
កាលពីពេលថ្មីៗកន្លងទៅ តុលាការចេញដីកាម្តងរួចទៅហើយ ដើម្បីឲ្យឯកឧត្តម កឹម សុខា ចូលបំភ្លឺ នៅថ្ងៃទី១១ ខែឧសភា។ តែអនុប្រធានបក្សជំទាស់រូបនេះ បានបដិសេធ មិនបង្ហាញខ្លួនតាមការកោះហៅរបស់តុលាការ នោះទេ៕
© រក្សាសិទ្ធិដោយ thmeythmey.com