រដ្ឋាភិបាលដំឡើងប្រាក់អាហារូបករណ៍ដល់និស្សិតនៅរុស្ស៊ីដល់ ៥០ ដុល្លារក្នុងមួយខែ

ជាតិ

សង្គមជាតិ

រដ្ឋាភិបាលដំឡើងប្រាក់អាហារូបករណ៍ដល់និស្សិតនៅរុស្ស៊ីដល់ ៥០ ដុល្លារក្នុងមួយខែ

18, May 2016 , 2:49 pm

រូបភាព

ដោយ:

រដ្ឋាភិបាលកម្ពុជា បានសម្រេចដំឡើងប្រាក់អាហារូបករណ៍ដល់និស្សិតខ្មែរដែលសិក្សានៅប្រទេសរុស្ស៊ី ៥០ ដុល្លារក្នុងមួយខែ។ ការសម្រេចនេះ ធ្វើឡើងនៅក្នុងពេលដែលសម្តេចនាយករដ្ឋមន្រ្តី ហ៊ុន សែន ជួបជាមួយនិស្សិតខ្មែរដែលសិក្សានៅប្រទេសរុស្ស៊ីប្រមាណ៣០០ នាក់ ស្របពេលដែលសម្តេចកំពុងបំពេញបេសកកម្មការងារនៅប្រទេសរុស្ស៊ី។

ការសម្រេចរបស់រដ្ឋាភិបាលបែបនេះ ក៏ធ្វើឡើងបន្ទាប់ពីតំណាងនិស្សិតមួយរូបដែលសិក្សានៅប្រទេសរុស្ស៊ី បានលើកឡើងពីទុក្ខលំបាករបស់និស្សិតខ្មែរកំពុងសិក្សានៅប្រទេសរុស្ស៊ី ដែលទទួលបានប្រាក់ឧបត្ថម្ភតិចតួច ប្រាប់ដល់សម្តេច ហ៊ុន សែន។ បើតាមតំណាងនិស្សិតរូបនោះ កន្លងមកក្នុងមួយខែនិស្សិតដែលសិក្សានៅប្រទេសរុស្ស៊ីទទួលបានប្រាក់អាហារូបករណ៍ពីរដ្ឋាភិបាលរុស្ស៊ីជាង ២០ ដុល្លារ និងប្រាក់រដ្ឋាភិបាលកម្ពុជា ១០ ដុល្លារ ដែលធ្វើឲ្យនិស្សិតជួបការលំបាកផ្នែកជីវភាព។

សម្តេចនាយករដ្ឋមន្រ្តី ហ៊ុន សែន បានបញ្ជាក់ថា និស្សិតដែលកំពុងសិក្សានៅប្រទេសរុស្ស៊ីនាពេលបច្ចុប្បន្នមានប្រមាណ ៣០០ នាក់ ហើយប្រាក់អាហារូបករណ៍ ដែលសម្តេចសម្រេចដំឡើងដល់ ៥០ ក្នុងមួយខែពេលនេះ គឺចាប់រាប់ចាប់ពីខែឧសភា នេះតទៅ ហើយត្រូវបើករៀងរាល់មួយត្រីមាសម្តង៕