ជាតិ
×![]()
ភ្នំពេញ៖ រដ្ឋមន្ត្រីក្រសួងមហាផ្ទៃ សម្តេច ស ខេង លើកឡើងថា អយុត្តិធម៌សង្គម នាំឲ្យកើតមានបដិវត្តន៍ពណ៌ ឬបដិវត្តន៍ប្រជាជន។ អ្នកវិភាគយល់ស្របនឹងសម្តីសម្ដេច ស ខេង ប៉ុន្តែពួកគេអះអាងថា នៅកម្ពុជា មិនទាន់អាចមានបដិវត្តន៍កើតឡើងឡើយ។
អ្នកវិភាគនយោបាយទទួលស្គាល់ថា បញ្ហាសង្គមជាច្រើន រួមមាន អំពើអយុត្តិធម៌ ពុករលួយ បក្សពួកគេនិយម គ្មានសិទ្ធិសេរីភាពបញ្ចេញមតិ គ្មានការងារ ភាពក្រីក្រ ការរំលោភដីធ្លីពលរដ្ឋ និងការលូកដៃពីសំណាក់បរទេសតាមរយៈប្រជាធិបតេយ្យជាដើម នាំឲ្យកើតមានបដិវត្តន៍។ តែប្រជាជនកម្ពុជាមិនទាន់អាចមានសមត្ថភាពធ្វើបដិវត្តន៍ឡើយ។
លោក រស់ រ៉ាវុធ សាស្ត្រាចារ្យវិទ្យាសាស្ត្រនយោបាយ លើកឡើងថា ទោះបីជាកម្ពុជាមានបញ្ហាសង្គមច្រើនក្តី តែកម្ពុជាពុំទាន់អាចកើតមានបដិវត្តន៍ ដូចបណ្ដាប្រទេសមួយចំនួននៅបស្ចឹមបូព៌ាឡើយ ព្រោះប្រជាជននៅមានចំណេះដឹងតិចតួច ។ ជាពិសេសគឺ ការឆ្លងកាត់សង្គ្រាមស៊ីវិលរ៉ាំរ៉ៃ បណ្តាលឲ្យប្រជាជនបាត់បង់ជីវិតរាប់លាននាក់ ក៏ជាមូលហេតុធ្វើឲ្យប្រជាជនដឹងច្បាស់ ពីរូបភាពវិបត្តិសង្គ្រាមពីអតីតកាល ដែលធ្វើឲ្យពួកគេមិនហ៊ានធ្វើបដិវត្តន៍ដែរ។ នេះបើតាមប្រសាសន៍អ្នកវិភាគ។
អ្នកវិភាគរូបនេះ បន្តលើកហេតុផលយ៉ាងដូច្នេះថា៖«ហេតុផលដែលពលរដ្ឋពុំអាចធ្វើបដិវត្តន៍ ព្រោះកម្ពុជាប្រកាន់របបដឹកនាំតាមបែបប្រជាធិបតេយ្យសេរីពហុបក្ស មានរដ្ឋធម្មនុញ្ញ និងអង្គការមិនមែនរដ្ឋាភិបាលជាតិ អន្តរជាតិ ចូលរួមតាមដានឃ្លាំមើលបញ្ហាសង្គម តាមច្បាប់។ ការធ្វើបាតុកម្ម កន្លងមក បណ្តាលមកពីអាជ្ញាធរពុំយល់ពីបំណងពលរដ្ឋ រីឯពលរដ្ឋពុំយល់ពីបំណងអាជ្ញាធរ។ ពួកគេពុំបានជួបគ្នាពិភាក្សាដោះស្រាយបញ្ហា ទើបមានបាតុកម្ម។ កម្ពុជាមានពហុគណបក្សនយោបាយ និងសង្គមស៊ីវិល របបដឹកនាំរដ្ឋតាមរដ្ឋធម្មនុញ្ញ ហើយប្រជាជនពុំទាន់យល់ពីបដិវត្តន៍ និងមានបញ្ហាវិបត្តិសង្គ្រាមរ៉ាំរ៉ៃ កាលពីអតីតកាល ដូច្នេះបដិវត្តន៍ពុំអាចកើតឡើងទេ »។
លោក សូ ចន្ថា ក៏យល់ឃើញដូចលោក រស់ រ៉ាវុធ ដែរ។ លោក សូ ចន្ថា បានទទួលស្គាល់ថា កម្ពុជាកំពុងជួបប្រទះបញ្ហាសង្គមដែលត្រូវដោះស្រាយ ដើម្បីសន្តិសុខ ស្ថិរភាពសង្គម។ បើតាមអ្នកវិភាគរូបនេះ រដ្ឋាភិបាលគួរតែដោះស្រាយ និងកំណែទម្រង់បញ្ហាសង្គមនានា ដូចជា បញ្ហាគ្មានការងារ ជីវភាពរស់នៅពលរដ្ឋ បំបាត់អំពើបក្សពួកនិយម សិទ្ធិសេរីភាពបញ្ចេញមតិ និងអយុត្តិធម៌ចំពោះមុខច្បាប់ជាដើម។ «រដ្ឋាភិបាលគួរធ្វើការកែទម្រង់បញ្ហាទាំងនេះ ឲ្យមានប្រសិទ្ធភាព ហើយពលរដ្ឋភាគច្រើនទទួលយកដំណោះស្រាយ។ រដ្ឋាភិបាល គួរមានគោលការណ៍ដោះស្រាយច្បាស់លាស់ ទើបបញ្ហាត្រូវបានដោះស្រាយ។រដ្ឋាភិបាលត្រូវតែពង្រឹងធនធានមនុស្ស ប្រព័ន្ធតុលាការ ការរស់នៅស្មើ ភាពគ្នារវាងមន្ត្រី និងប្រជាជន ចំពោះមុខច្បាប់ តាមរបបប្រជាធិបតេយ្យសេរីពហុបក្ស»។ នេះជាការបញ្ជាក់របស់លោក សូ ចន្ថា។
ក្នុងពិធីខួបលើកទី៧១ នៃថ្ងៃកំណើតកងកម្លាំងនគរបាលជាតិកាលពីថ្ងៃទី១៦ ខែឧសភា កន្លងមករដ្ឋមន្ត្រីក្រសួងមហាផ្ទៃ សម្តេច ស ខេង បានណែនាំមន្ត្រីក្រោម ឲ្យឱវាទស្វែងយល់ពីបញ្ហាសង្គមបច្ចុប្បន្នហើយ ត្រៀមបង្កាតាមផ្លូវច្បាប់ទុកជាមុន ដើម្បីកុំឲ្យមានបដិវត្តប្រជាជនកើតឡើង ផ្ទុយពីច្បាប់។ តែយ៉ាងណាសម្ដេច ស ខេង ដែលដឹងពីបញ្ហាសង្គមនោះ បានលើកឡើងថា អយុត្តិធម៌សង្គម នាំឲ្យកើតមានបដិវត្តន៍ពណ៌ ឬបដិវត្តន៍ប្រជាជន ដោយសម្តេច បានបញ្ជា ឲ្យមន្រី្តនិងអាជ្ញាធរមានសមត្តកិច្ច សិក្សាពីបញ្ហាប្រជាពលរដ្ឋ និងដោះស្រាយបញ្ហាតាមតម្រូវការពួកគេឲ្យបានត្រឹមត្រូវ៕
អ្នកវិភាគនយោបាយទទួលស្គាល់ថា បញ្ហាសង្គមជាច្រើន រួមមាន អំពើអយុត្តិធម៌ ពុករលួយ បក្សពួកគេនិយម គ្មានសិទ្ធិសេរីភាពបញ្ចេញមតិ គ្មានការងារ ភាពក្រីក្រ ការរំលោភដីធ្លីពលរដ្ឋ និងការលូកដៃពីសំណាក់បរទេសតាមរយៈប្រជាធិបតេយ្យជាដើម នាំឲ្យកើតមានបដិវត្តន៍។ តែប្រជាជនកម្ពុជាមិនទាន់អាចមានសមត្ថភាពធ្វើបដិវត្តន៍ឡើយ។
លោក រស់ រ៉ាវុធ សាស្ត្រាចារ្យវិទ្យាសាស្ត្រនយោបាយ លើកឡើងថា ទោះបីជាកម្ពុជាមានបញ្ហាសង្គមច្រើនក្តី តែកម្ពុជាពុំទាន់អាចកើតមានបដិវត្តន៍ ដូចបណ្ដាប្រទេសមួយចំនួននៅបស្ចឹមបូព៌ាឡើយ ព្រោះប្រជាជននៅមានចំណេះដឹងតិចតួច ។ ជាពិសេសគឺ ការឆ្លងកាត់សង្គ្រាមស៊ីវិលរ៉ាំរ៉ៃ បណ្តាលឲ្យប្រជាជនបាត់បង់ជីវិតរាប់លាននាក់ ក៏ជាមូលហេតុធ្វើឲ្យប្រជាជនដឹងច្បាស់ ពីរូបភាពវិបត្តិសង្គ្រាមពីអតីតកាល ដែលធ្វើឲ្យពួកគេមិនហ៊ានធ្វើបដិវត្តន៍ដែរ។ នេះបើតាមប្រសាសន៍អ្នកវិភាគ។
អ្នកវិភាគរូបនេះ បន្តលើកហេតុផលយ៉ាងដូច្នេះថា៖«ហេតុផលដែលពលរដ្ឋពុំអាចធ្វើបដិវត្តន៍ ព្រោះកម្ពុជាប្រកាន់របបដឹកនាំតាមបែបប្រជាធិបតេយ្យសេរីពហុបក្ស មានរដ្ឋធម្មនុញ្ញ និងអង្គការមិនមែនរដ្ឋាភិបាលជាតិ អន្តរជាតិ ចូលរួមតាមដានឃ្លាំមើលបញ្ហាសង្គម តាមច្បាប់។ ការធ្វើបាតុកម្ម កន្លងមក បណ្តាលមកពីអាជ្ញាធរពុំយល់ពីបំណងពលរដ្ឋ រីឯពលរដ្ឋពុំយល់ពីបំណងអាជ្ញាធរ។ ពួកគេពុំបានជួបគ្នាពិភាក្សាដោះស្រាយបញ្ហា ទើបមានបាតុកម្ម។ កម្ពុជាមានពហុគណបក្សនយោបាយ និងសង្គមស៊ីវិល របបដឹកនាំរដ្ឋតាមរដ្ឋធម្មនុញ្ញ ហើយប្រជាជនពុំទាន់យល់ពីបដិវត្តន៍ និងមានបញ្ហាវិបត្តិសង្គ្រាមរ៉ាំរ៉ៃ កាលពីអតីតកាល ដូច្នេះបដិវត្តន៍ពុំអាចកើតឡើងទេ »។
លោក សូ ចន្ថា ក៏យល់ឃើញដូចលោក រស់ រ៉ាវុធ ដែរ។ លោក សូ ចន្ថា បានទទួលស្គាល់ថា កម្ពុជាកំពុងជួបប្រទះបញ្ហាសង្គមដែលត្រូវដោះស្រាយ ដើម្បីសន្តិសុខ ស្ថិរភាពសង្គម។ បើតាមអ្នកវិភាគរូបនេះ រដ្ឋាភិបាលគួរតែដោះស្រាយ និងកំណែទម្រង់បញ្ហាសង្គមនានា ដូចជា បញ្ហាគ្មានការងារ ជីវភាពរស់នៅពលរដ្ឋ បំបាត់អំពើបក្សពួកនិយម សិទ្ធិសេរីភាពបញ្ចេញមតិ និងអយុត្តិធម៌ចំពោះមុខច្បាប់ជាដើម។ «រដ្ឋាភិបាលគួរធ្វើការកែទម្រង់បញ្ហាទាំងនេះ ឲ្យមានប្រសិទ្ធភាព ហើយពលរដ្ឋភាគច្រើនទទួលយកដំណោះស្រាយ។ រដ្ឋាភិបាល គួរមានគោលការណ៍ដោះស្រាយច្បាស់លាស់ ទើបបញ្ហាត្រូវបានដោះស្រាយ។រដ្ឋាភិបាលត្រូវតែពង្រឹងធនធានមនុស្ស ប្រព័ន្ធតុលាការ ការរស់នៅស្មើ ភាពគ្នារវាងមន្ត្រី និងប្រជាជន ចំពោះមុខច្បាប់ តាមរបបប្រជាធិបតេយ្យសេរីពហុបក្ស»។ នេះជាការបញ្ជាក់របស់លោក សូ ចន្ថា។
ក្នុងពិធីខួបលើកទី៧១ នៃថ្ងៃកំណើតកងកម្លាំងនគរបាលជាតិកាលពីថ្ងៃទី១៦ ខែឧសភា កន្លងមករដ្ឋមន្ត្រីក្រសួងមហាផ្ទៃ សម្តេច ស ខេង បានណែនាំមន្ត្រីក្រោម ឲ្យឱវាទស្វែងយល់ពីបញ្ហាសង្គមបច្ចុប្បន្នហើយ ត្រៀមបង្កាតាមផ្លូវច្បាប់ទុកជាមុន ដើម្បីកុំឲ្យមានបដិវត្តប្រជាជនកើតឡើង ផ្ទុយពីច្បាប់។ តែយ៉ាងណាសម្ដេច ស ខេង ដែលដឹងពីបញ្ហាសង្គមនោះ បានលើកឡើងថា អយុត្តិធម៌សង្គម នាំឲ្យកើតមានបដិវត្តន៍ពណ៌ ឬបដិវត្តន៍ប្រជាជន ដោយសម្តេច បានបញ្ជា ឲ្យមន្រី្តនិងអាជ្ញាធរមានសមត្តកិច្ច សិក្សាពីបញ្ហាប្រជាពលរដ្ឋ និងដោះស្រាយបញ្ហាតាមតម្រូវការពួកគេឲ្យបានត្រឹមត្រូវ៕
Tag:
ស ខេង
បដិវត្តន៍
រស់ រ៉ាវុធ
សូ ចន្ថា
© រក្សាសិទ្ធិដោយ thmeythmey.com
