ជាតិ
សេដ្ឋកិច្ច
មន្ទីរឧស្សាហកម្មរាជធានី នឹងកោះហៅម្ចាស់សហគ្រាសផលិតចំណីអាហារ មកណែនាំ
× ភ្នំពេញ៖ មន្ទីរឧស្សាហកម្ម និងសិប្បកម្មរាជធានីភ្នំពេញ នឹងកោះហៅម្ចាស់រោងចក្រ សហគ្រាសផលិតចំណីអាហារក្នុងរាជធានីទាំងអស់ មកផ្តល់ការណែនាំអំពីការប្រើប្រាស់សារធាតុគីមី ដើម្បីបង្ការផលប៉ះពាល់សុខភាពអ្នកបរិភោគ។
បើតាមសារព័ត៌មានជាតិកម្ពុជា AKP លោក នេត មុនីប៉ុណ្ណាកា ប្រធានមន្ទីរឧស្សាហកម្ម និងសិប្បកម្មរាជធានីភ្នំពេញ គ្រោងកោះហៅម្ចាស់សហគ្រាសផលិតចំណីអាហារ និងអ្នកពាក់ព័ន្ធផ្សេងទៀត ដើម្បីផ្តល់ការណែនាំនេះ ជំរុញការយកចិត្តទុកដាក់ក្នុងការផលិត ដោយគិតគូរពីសុខភាពអ្នកបរិភោគជាចាំបាច់។ លោកបញ្ជាក់ទៀតថា សហគ្រាសផលិតចំណីអាហារទាំងអស់ ត្រូវញែកឲ្យដាច់រវាងគីមីផ្សំសម្រាប់ចំណីអាហារ និងគីមីសម្រាប់ការប្រើប្រាស់ក្នុងរោងចក្រ។
ប្រធានមន្ទីរឧស្សាហកម្ម និងសិប្បកម្មរូបនេះ លើកឡើងទៀតថា លោកនឹងណែនាំម្ចាស់អាជីវកម្មទាំងអស់ ឱ្យលុបបំបាត់ការប្រើប្រាស់សារធាតុគីមីផ្សំក្នុងចំណីអាហារ ឬប្រើប្រាស់សារធាតុគីមីឱ្យស្របតាមស្តង់ដារបច្ចេកទេស ដើម្បីបង្ការផលប៉ះពាល់សុខភាពដល់អ្នកបរិភោគ។
ជាមួយគ្នានេះ មន្ត្រីជំនាញនឹងធ្វើការត្រួតពិនិត្យគុណភាព និងសុវត្ថិភាពចំណីអាហាររៀងរាល់៣ខែម្តង ហើយក្នុងករណីរកឃើញថា មានភាពមិនប្រក្រតីនោះខាងមន្ទីនឹងចាត់វិធានការលើបញ្ហានេះ៕
Tag:
នេត មុនីប៉ុណ្ណាកា
សារធាតុគីមី
© រក្សាសិទ្ធិដោយ thmeythmey.com