ជាតិ
បទយកការណ៍ / បទសម្ភាសន៍
សង្គមជាតិ
អ្នកពិការភ្នែកធ្លាប់ឭគេនិយាយពីគោ ឬនារីស្អាត តែមិនដឹងថា នារីស្អាតមានរាងដូចម្តេចទេ
× ភ្នំពេញ៖ ខុសពីមនុស្សភ្នែកភ្លឺ ដែលអាចមើលឃើញធម្មជាតិ និងអ្វីៗនៅជុំវិញខ្លួន យុវជន មុត សុជាតិ មិនដែលបានឃើញពន្លឺព្រះអាទិត្យ និងបរិស្ថានជុំវិញខ្លួននោះទេ។ ពេល សុជាតិ ចង់ធ្វើដំណើរទៅទីណាម្តងៗ ទាល់តែមានអ្នកកាន់ដៃជូនដំណើរ។ សុជាតិ មិនអាចសម្គាល់ថា សត្វគោ សត្វក្របី ឬប្រុសសង្ហាស្រីស្អាត មានរូបរាងយ៉ាងដូចម្តេចនោះទេ ពីព្រោះ គ្រាន់តែចាប់កំណើតមកភ្លាម សុជាតិ ត្រូវពិការភ្នែកបាត់ទៅហើយ។
មានស្រុកកំណើតនៅភូមិត្រពាំងផ្គាំ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង សុជាតិ ត្រូវឪពុកម្តាយផ្ញើកាយនៅក្នុងសាលាកុមារពិការភ្នែក និងកុមារគ ថ្លង់ ភ្នំពេញថ្មី និងកំពុងសិក្សាថ្នាក់ទី៩ នៅអនុវិទ្យាល័យសម្តេច ហ៊ុន សែន ភ្នំពេញថ្មី។ ក្រៅពីសិក្សានៅសាលារដ្ឋ កូនទី២ក្នុងចំណោមបងប្អូន៣នាក់រូបនេះ កំពុងតែសិក្សាជំនាញ ប្រើប្រាស់កុំព្យូទ័រផងដែរ។ ទោះបីជាខ្លួនស្ថិតក្នុងពិការភាពក៏ដោយ តែយុវជនរូបនេះ មានមហិច្ឆតាចង់ធ្វើជាអ្នកសរសេរកម្មវិធីកុំព្យូទ័រ ដើម្បីបង្កភាពងាយស្រួយដល់អ្នកពិការជំនាន់ក្រោយទៀត។
ជាបន្តសូមអញ្ជើញស្តាប់បទសម្ភាសន៍រវាង លោក រ៉ឹម ភារី អ្នកយកព័ត៌មាននៃសារព័ត៌មានថ្មីៗ ជាមួយយុវជន មុត សុជាតិ ដូចតទៅ៖
Tag:
ជនពិការ
មុត សុជាតិ
© រក្សាសិទ្ធិដោយ thmeythmey.com