ពីនេះ ពីនោះ
រៀនឲ្យចំ កុំបន្លំលេង!
× ដោយ ប៉ាកកាខ្មៅ
កំណាព្យបទ ផ្កាឈូករីក
-នៅសិក្សា ត្រូវស្រវា សព្វវិជ្ជា
នៅសិក្សា កុំនាំគ្នា ដើរប៉ោឡែ
នៅសិក្សា ត្រូវគិតថា ចាយលុយម៉ែ
នៅសិក្សា សិស្សក្រុងស្រែ ត្រូវតែខំ។
-ស្តាយវេលា កុំនាំគ្នា ប្រឹងហ្វេសប៊ុក
ស្តាយវេលា គ្រាម៉ែពុក ប្រឹងសន្សំ
ស្តាយវេលា បើនៅរៀន រៀនឲ្យចំ
ស្តាយវេលា កុំបន្លំ ខំទាន់ក្មេង។
-សេពគប់មិត្ត គិតឲ្យច្បាស់ ក្រែងប៉ះពាល
សេបគប់មិត្ត ក្រែងគេដៀល ប៉ះអ្នកលេង
សេពគប់មិត្ត ត្រូវមើលចិត្ត កុំវង្វេង
សេពគប់មិត្ត គិតយល់ឈ្វេង ក្រែងជូបគ្រោះ៕
© រក្សាសិទ្ធិដោយ thmeythmey.com