ជាតិ
លោក អេង ឆៃអ៊ាង តំណាងរាស្ត្រគណបក្សសង្គ្រោះជាតិ
×![]()
ដោយ: សារព័ត៌មានថ្មីៗ
មន្ត្រីជាន់ខ្ពស់នៃគណបក្សសង្គ្រោះជាតិ លោក អេង ឆៃអ៊ាង បានរិះគន់រដ្ឋសភាភ្លាម បន្ទាប់ពីតំណាងរាស្ត្រគណបក្សប្រជាជនកម្ពុជា៦៨រូបអនុម័តអនុញ្ញាតឲ្យតុលាការបន្តនិតិវិធីចាត់ការលើឯកឧត្តម កឹម សុខា ដែលត្រូវបានតុលាការចោទក្នុងបទល្មើសជាក់ស្តែង ពីបទ បដិសេធចូលខ្លួនធ្វើសាក្សី។
«គឺជាការរំលោភរដ្ឋធម្មនុញ្ញតែម្តង ដោយរដ្ឋសភាខ្លួនឯង។ ក្រៅពីមាត្រា៨០ គ្មានមាត្រាណាមួយដែលចែងអនុញ្ញាតឲ្យរដ្ឋសភាអនុម័តយល់ព្រមឲ្យមានការចាប់ចង ចាប់ខ្លួនអ្នកតំណាងរាស្ត្រនោះឡើយ។ អ្វីដែលអ្នកតំណាងរាស្ត្រគណបក្សប្រជាជនកម្ពុជាបានធ្វើ គឺរំលោភរដ្ឋធម្មនុញ្ញ»។ នេះគឺជាប្រតិកម្មរបស់លោក អេង ឆៃអ៊ាង អ្នកតំណាងរាស្ត្ររបស់គណបក្សសង្គ្រោះជាតិ ប្រាប់សារព័ត៌មានថ្មីៗនៅព្រឹកថ្ងៃទី៣០ឧសភា។
ដោយសារតែឯកឧត្តម កឹម សុខា ប្រធានស្តីទីគណបក្សសង្គ្រោះជាតិ មិនបានចូលខ្លួនធ្វើសាក្សី២ដងតាមការកោះហៅរបស់ព្រះរាជអាជ្ញា ព្រះរាជអាជ្ញាបានចោទប្រកាន់ឯកឧត្តម កឹម សុខា ពីបទ បដិសេធចូលខ្លួនធ្វើសាក្សី ក្នុងបទល្មើសជាក់ស្តែង កាលពីថ្ងៃទី២៦ឧសភា។ បន្ទាប់មកអយ្យការអមសាលាដំបូងរាជធានី បានធ្វើរបាយការណ៍ទៅរដ្ឋសភាអំពីករណីនេះ។ ជាការឆ្លើយតប រដ្ឋសភាដែលមានតែវត្តមានតំណាងរាស្ត្រគណបក្សប្រជាជនកម្ពុជាកាន់អំណាច ទើបបានសម្រេចអនុម័តជាឯកច្ឆ័ន្ទក្នុងសំឡេង៦៨លើ៦៨ អនុញ្ញាតឲ្យតុលាការបន្តនីតិវិធីលើឯកឧត្តម កឹម សុខា។
ទាក់ទងនឹងគម្រោងសកម្មភាពរបស់គណបក្សសង្គ្រោះជាតិនៅថ្ងៃចន្ទនេះ ថ្នាក់ដឹកនាំគណបក្សសង្គ្រោះជាតិ រួមទាំងអ្នកតំណាងរាស្ត្រ កំពុងរង់ចាំទទួលញតិ្តពីតំណាងពលរដ្ឋនៅទូទាំងប្រទេស ដើម្បីត្រៀមដង្ហែញត្តិនោះទៅថ្វាយព្រះមហាក្សត្រនៅរសៀលម៉ោង២នេះ។ គឺជាញត្តិដែលស្នើព្រះរាជអន្តរាគមន៍ពីព្រះមហាក្សត្រ ក្នុងសំណុំរឿងនយោបាយតានតឹងបច្ចុប្បន្ននេះ៕
«គឺជាការរំលោភរដ្ឋធម្មនុញ្ញតែម្តង ដោយរដ្ឋសភាខ្លួនឯង។ ក្រៅពីមាត្រា៨០ គ្មានមាត្រាណាមួយដែលចែងអនុញ្ញាតឲ្យរដ្ឋសភាអនុម័តយល់ព្រមឲ្យមានការចាប់ចង ចាប់ខ្លួនអ្នកតំណាងរាស្ត្រនោះឡើយ។ អ្វីដែលអ្នកតំណាងរាស្ត្រគណបក្សប្រជាជនកម្ពុជាបានធ្វើ គឺរំលោភរដ្ឋធម្មនុញ្ញ»។ នេះគឺជាប្រតិកម្មរបស់លោក អេង ឆៃអ៊ាង អ្នកតំណាងរាស្ត្ររបស់គណបក្សសង្គ្រោះជាតិ ប្រាប់សារព័ត៌មានថ្មីៗនៅព្រឹកថ្ងៃទី៣០ឧសភា។
ដោយសារតែឯកឧត្តម កឹម សុខា ប្រធានស្តីទីគណបក្សសង្គ្រោះជាតិ មិនបានចូលខ្លួនធ្វើសាក្សី២ដងតាមការកោះហៅរបស់ព្រះរាជអាជ្ញា ព្រះរាជអាជ្ញាបានចោទប្រកាន់ឯកឧត្តម កឹម សុខា ពីបទ បដិសេធចូលខ្លួនធ្វើសាក្សី ក្នុងបទល្មើសជាក់ស្តែង កាលពីថ្ងៃទី២៦ឧសភា។ បន្ទាប់មកអយ្យការអមសាលាដំបូងរាជធានី បានធ្វើរបាយការណ៍ទៅរដ្ឋសភាអំពីករណីនេះ។ ជាការឆ្លើយតប រដ្ឋសភាដែលមានតែវត្តមានតំណាងរាស្ត្រគណបក្សប្រជាជនកម្ពុជាកាន់អំណាច ទើបបានសម្រេចអនុម័តជាឯកច្ឆ័ន្ទក្នុងសំឡេង៦៨លើ៦៨ អនុញ្ញាតឲ្យតុលាការបន្តនីតិវិធីលើឯកឧត្តម កឹម សុខា។
ទាក់ទងនឹងគម្រោងសកម្មភាពរបស់គណបក្សសង្គ្រោះជាតិនៅថ្ងៃចន្ទនេះ ថ្នាក់ដឹកនាំគណបក្សសង្គ្រោះជាតិ រួមទាំងអ្នកតំណាងរាស្ត្រ កំពុងរង់ចាំទទួលញតិ្តពីតំណាងពលរដ្ឋនៅទូទាំងប្រទេស ដើម្បីត្រៀមដង្ហែញត្តិនោះទៅថ្វាយព្រះមហាក្សត្រនៅរសៀលម៉ោង២នេះ។ គឺជាញត្តិដែលស្នើព្រះរាជអន្តរាគមន៍ពីព្រះមហាក្សត្រ ក្នុងសំណុំរឿងនយោបាយតានតឹងបច្ចុប្បន្ននេះ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
