ពីនេះ ពីនោះ
តើពាក្យ «លោកិយ និង លោកីយ៍» មានន័យដូចគ្នា ឬខុសគ្នា?
× នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានកំណត់អត្ថន័យនៃពាក្យ « លោកិយ និង លោកីយ៍ »គឺមានអត្ថន័យដូចគ្នា។
ពាក្យ«លោកិយ» មានថ្នាក់ពាក្យជា(គុ.)(បា.), (សំ.) មានន័យថា ដែលមានក្នុងលោក, ដែលជាប់ទាក់ទងដោយលោក, សម្រាប់លោក។ ពាក្យនេះគេតែងសរសេរដោយមានបន្ថែមចុង ដូចជា លោកិយចិត្ត មានន័យថា ចិត្តរបស់លោកិយសត្វ។ លោកិយជន ជនដែលមានក្នុងលោក។ លោកិយទ្រព្យ ទ្រព្យសម្រាប់លោកិយជន។ លោកិយធម៌ ធម៌សម្រាប់លោកិយសត្វធម្មតា ឬសណ្ដាប់ធ្នាប់របស់លោកិយសត្វ។ លោកិយសត្ត សត្វដែលមានក្នុងលោក។ លោកិយសទ្ធា ជំនឿរបស់លោកិយជន, ការជឿកម្មផលរបស់លោកិយជន ជាដើម។
ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com