Bee Bee Bakery គឺជា​ឈ្មោះ​ហាង​នំ​របស់​ជនជាតិ​បារាំង Anthony ETHEVE​។ ថ្វីដ្បិតតែ​ជា​ជនជាតិ​បារាំង ប៉ុន្តែ Anthony មិនបាន​ធ្វើ​នំ​ដែលមាន​ស្តង់ដារ​ខ្ពស់​ដែលមាន​តម្លៃ​ថ្លៃ​សម្រាប់​អតិថិជន​បរទេស​ថ្នាក់ខ្ពស់​នោះឡើយ​។ Anthony ដែលជា​ម្ចាស់​ហាង ហើយ​ដែលមាន​បុគ្គលិក​ជនជាតិខ្មែរ​៧​នាក់ បាន​ផលិត​នំ​ដែលមាន​លក្ខណៈសាមញ្ញ តែមាន​គុណភាព និង​រសជាតិ​ឆ្ញា​ញ់ សម្រាប់​ទាំង​ជនជាតិខ្មែរ និង​ជនជាតិ​បរទេស​។ ហេតុដូច្នេះ​ហើយ​បានជា​អាជីវកម្ម​របស់ Anthony មានដំណើរ​ការល្អ​។​

​ដោយមាន​ដៃគូ​ជា​អង្គការ​មួយចំនួន Bee Bee Bakery មិនមែន​ធ្វើ​តែ​ជំនួញ ឬ​អាជីវកម្ម​យកប្រាក់​ចំណេញ​សុទ្ធសាធ​នោះឡើយ​។ Bee Bee Bakery មាន​បេសកម្ម​បណ្តុះបណ្តាល​ជំនាញ​បុគ្គលិក ផ្តល់​ការងារ​ដល់​យុវជន​ខ្មែរ ក្នុង​អាជីព​ជា​អ្នកធ្វើ​នំ និង​ផ្តល់​ចំណេះដឹង​ផ្នែក​ធ្វើ​អាជីវ​កម្មនេះ​ទៀតផង​។​

 

 

 

​