កីឡាអន្តរជាតិ
អន្តរជាតិ
Man City ទិញបាន Gundogan ជាផ្លូវការក្នុងតម្លៃ ២០លានផោន
× ក្លិប Manchester City បានឈានទៅដល់កិច្ចព្រមព្រៀងដើម្បីនាំយកខ្សែបម្រើ Ilkay Gundogan ពីក្លិប Borussia Dortmund ជាផ្លូវការហើយដោយចុះកិច្ចសន្យារយៈពេល៤ឆ្នាំ។
ខ្សែបម្រើអន្តរជាតិអាល្លឺម៉ង់វ័យ២៥ឆ្នាំ ដែលនឹងអវត្តមានក្នុងព្រឹត្តិការណ៍ Euro 2016 ដោយសាររបួសជង្គង់ នេះត្រូវបានអ្នកចាត់ការទូទៅថ្មីរបស់មេឃខៀវ លោក Pep Guardiola នាំយកមកពង្រឹងក្រុមក្នុងតម្លៃផ្ទេរ ២០លានផោន ជាង២៩លានដុល្លារអាមេរិក។
ខ្សែបម្រើរូបនេះបានចូលរួមជាមួយក្រុម Dortmund ពីក្លិប Nuremberg កាលពីឆ្នាំ ២០១១ និងបានជួយឱ្យ Dortmund ឈានដល់វគ្គផ្តាច់ព្រ័ត្រ Champions League ឆ្នាំ ២០១៣ផងដែរ។
Gundogan បានភ្លាត់ឆ្អឹងអង្គុញនាពេលហ្វឹកហាត់កាលពីខែឧសភានិងធ្លាប់អវត្តមានសម្រាប់ការប្រកួត World Cup កាលពីឆ្នាំ២០១៤ ហើយក៏និងអវត្តមានផងដែរសម្រាប់ក្រុម ជម្រើសជាតិអាល្លឺម៉ងនៅ Euro ២០១៦ ខាងមុខនេះថែមទៀតផង៕
© រក្សាសិទ្ធិដោយ thmeythmey.com