ជាតិ
លោក កែវ រ៉េមី ចោទប្រកាន់បក្សប្រឆាំង និង NGOខ្លះ ថា អប់រំមនុស្សឲ្យប្រឆាំងរដ្ឋាភិបាល
× ភ្នំពេញ៖ ប្រធានគណៈកម្មាធិការសិទ្ធិមនុស្សកម្ពុជាលោក កែវ រ៉េមី បានចោទប្រកាន់សកម្មជនគណបក្សសង្គ្រោះជាតិ និងអង្គការមិនមែនរដ្ឋាភិបាលមួយចំនួន មានគោលដៅបណ្តុះមនុស្សឲ្យងើបប្រឆាំងរដ្ឋាភិបាល ដើម្បីផលប្រយោជន៍ពួកគេ។ រដ្ឋលេខាធិការទីស្តីការគណៈរដ្ឋមន្ត្រីដែលទើបចូលកាន់តំណែងប្រធានគណៈកម្មាធិការសិទ្ធិមនុស្ស កាលពីថ្ងៃទី៩ ខែឧសភា រូបនេះនិយាយការពាររដ្ឋាភិបាលកម្ពុជាថា ពួកគេមានការប្តេជ្ញាម៉ឺងម៉ាត់ក្នុងការគោរពសិទ្ធិមនុស្ស តាមផ្លូវច្បាប់។
សំឡេងលោក កែវ រ៉េមី បកស្រាយសំណួរអ្នកសារព័ត៌មាននៅថ្ងៃទី៨ ខែមិថុនានេះ៖
កាលពីខែឧសភា កន្លងទៅ លោក កែវ រ៉េមី ដែលមានបទពិសោធន៍យ៉ាងជោគជាំជាមួយគណបក្សប្រឆាំងក៏ធ្លាប់លើកឡើងផងដែរថា បុគ្គលដែលធ្វើការឲ្យអង្គការក្រៅរដ្ឋាភិបាល សមាគម ដែលមានឈ្មោះ សិទ្ធិមនុស្ស មិនមែនជាបុគ្គលដែល Perfect នោះឡើយ។ទន្ទឹមគ្នាដែរ លោកទទួលស្គាល់ថា ទាំងលោក ទាំងគណៈកម្មាធិការសិទ្ធិមនុស្សទាំងមូល រួមទាំងព្រះពុទ្ធសាសនា ក៏មិនល្អឥតខ្ចោះនោះដែរ៕
Tag:
កែវ រ៉េមី
សិទ្ធិមនុស្ស
© រក្សាសិទ្ធិដោយ thmeythmey.com