ពីនេះ ពីនោះ
តើពាក្យ «ជំទាវ» មានអត្ថន័យដូចម្ដេច?
× នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានកំណត់អត្ថន័យនៃពាក្យ « ជំទាវ» មានអត្ថន័យដូចខាងក្រោម៖
ពាក្យ«ជំទាវ» មានថ្នាក់ពាក្យជា(ន.) មានន័យថា បណ្ដាសក្តិសម្រាប់ស្ត្រីជាភរិយាសេនាបតីដោយព្រះករុណាជាម្ចាស់ជីវិត ទ្រង់ប្រោសព្រះរាជទានតាំងៈ លោកជំទាវ(លោកស្រី)។ បណ្ដាសក្តិនេះ ទោះបរិយារបស់មន្ត្រីសក្តី១០ ហ៊ូពាន់ឯទៀតៗ ក្រៅពីសេនាបតីក៏ដោយ ស្រេចនឹងព្រះករុណាជាម្ចាស់ជីវិត បើទ្រង់ព្រះមេត្តាប្រោសព្រះរាជទានតាំងក៏បាន។ ពាក្យនេះ កាលពីក្នុងសម័យបុរាណ ប្រហែលជាហៅថា ចាំទាវ ឬចំទាវ? ព្រោះបានសង្កេតឃើញថា ប្រហែលក្លាយមកពីពាក្យសៀមសម័យបុរាណយូរអង្វែងហើយថា ប្រៈចាំទាវ«ប្រចាំជើង»ឬ ហ្យិងប្រៈចាំទាវ«ស្ត្រីប្រចាំជើង» គឺស្ត្រីអ្នកនៅប្រចាំការបម្រើជិតជើងស្វាមី(ភរិយា) ជាពាក្យប្រែចេញមកអំពី សំ. បា. ថា បាទបរិចារិការ។
ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com