ពីនេះ ពីនោះ
×![]()
ដោយ: ថ្មីៗ
និពន្ធដោយ ប៉ាកកាខ្មៅ!
កំណាព្យបទ ពាក្យ ៩
-មិនប្រឌិត ជារឿងពិត កើតច្រើនឆ្នាំ បើតាមចាំ រឿងសូកប៉ាន់ មានពាក្យគេ
កាលពីមុន ថ្លៃទឹកប៊ិច កុំភ្លេចមេ ត្រូវរិះរេ ទោះខ្ចីគេ លៃឲ្យបាន។
-ពាក្យបន្ទាប់ ឮញឹកញាប់ ថ្លៃទឹកតែ គុយទាវដែរ តែមិនដែល គិតជាចាន
ខ្លះលក់ស្រែ កេរពុកម៉ែ ក៏មិនស្មាន ថាមិនបាន អាចបង្គ្រប់ ថ្លៃទឹកតែ។
-ស៊ាំពាក្យចាស់ គេក៏ផ្លាស់ password ថ្មី ជូនមន្ត្រី ជាថ្លៃសាំង ក៏មានដែរ
អត់ថ្លៃសាំង កិច្ចជាប់គាំង រាប់ឆ្នាំខែ ជូនគេចកែ នៅត្រប៉ែ អូសក្រឡា។
-វេលាប្តូរ គេប្រើម៉ូ ឲ្យស័ក្តិសម ជាក្រឹត្យក្រម ត្រូវរៀបចំ ថ្លៃសេវា
កាតទូរសព្ទ ប្រើសម្រាប់ ធ្វើកិច្ចការ រយដុល្លារ មានកិច្ចការ ខ្លះរាប់ពាន់។
-ខ្លះសូកឆ្លាត រៀបចំស្អាត បែបថ្លៃថ្នូរ ខ្ចប់កាដូ មានក្បាច់ក្បូរ រុំច្រើនជាន់
ខ្ចប់សោឡាន បែបហំហាន ព្រោះគេគ្រាន់ ផ្តល់រង្វាន់ បែបបំភាន់ ខ្លាចគេដឹង។
-តែកាហ្វេ ទឹកប៊ិចមេ ឲ្យរាស្ត្រក្រ ច្រើនតំណ ម្តេចបន្ត ឲ្យរាស្ត្រខឹង
បាត់សំឡេង មិនមែនលេង គួរខំប្រឹង រឹតបន្តឹង កុំស្រវឹង នឹងលាភជ្រុល៕
កំណាព្យបទ ពាក្យ ៩
-មិនប្រឌិត ជារឿងពិត កើតច្រើនឆ្នាំ បើតាមចាំ រឿងសូកប៉ាន់ មានពាក្យគេ
កាលពីមុន ថ្លៃទឹកប៊ិច កុំភ្លេចមេ ត្រូវរិះរេ ទោះខ្ចីគេ លៃឲ្យបាន។
-ពាក្យបន្ទាប់ ឮញឹកញាប់ ថ្លៃទឹកតែ គុយទាវដែរ តែមិនដែល គិតជាចាន
ខ្លះលក់ស្រែ កេរពុកម៉ែ ក៏មិនស្មាន ថាមិនបាន អាចបង្គ្រប់ ថ្លៃទឹកតែ។
-ស៊ាំពាក្យចាស់ គេក៏ផ្លាស់ password ថ្មី ជូនមន្ត្រី ជាថ្លៃសាំង ក៏មានដែរ
អត់ថ្លៃសាំង កិច្ចជាប់គាំង រាប់ឆ្នាំខែ ជូនគេចកែ នៅត្រប៉ែ អូសក្រឡា។
-វេលាប្តូរ គេប្រើម៉ូ ឲ្យស័ក្តិសម ជាក្រឹត្យក្រម ត្រូវរៀបចំ ថ្លៃសេវា
កាតទូរសព្ទ ប្រើសម្រាប់ ធ្វើកិច្ចការ រយដុល្លារ មានកិច្ចការ ខ្លះរាប់ពាន់។
-ខ្លះសូកឆ្លាត រៀបចំស្អាត បែបថ្លៃថ្នូរ ខ្ចប់កាដូ មានក្បាច់ក្បូរ រុំច្រើនជាន់
ខ្ចប់សោឡាន បែបហំហាន ព្រោះគេគ្រាន់ ផ្តល់រង្វាន់ បែបបំភាន់ ខ្លាចគេដឹង។
-តែកាហ្វេ ទឹកប៊ិចមេ ឲ្យរាស្ត្រក្រ ច្រើនតំណ ម្តេចបន្ត ឲ្យរាស្ត្រខឹង
បាត់សំឡេង មិនមែនលេង គួរខំប្រឹង រឹតបន្តឹង កុំស្រវឹង នឹងលាភជ្រុល៕
Tag:
កំណាព្យ
© រក្សាសិទ្ធិដោយ thmeythmey.com
