កីឡាជាតិ
ជាតិ
ភ្នំពេញក្រោនបញ្ចប់កិច្ចសន្យាកីឡាករ២រូប មុនស្វាគមន៍ មជ្ឈមណ្ឌលកំចាត់មីនកម្ពុជាល្ងាចនេះ ប្រភពរូបថត ភ្នំពេញក្រោន
× ភ្នំពេញក្រោនក្រោយពីបញ្ចប់កុងត្រាជាមួយកីឡាករខ្សែបម្រើកណ្តាល នឿត ធារី និងខ្សែប្រយុទ្ធ នីហ្សែរីយ៉ា George Kelechi កាលពីម្សលមិញ នឹងទ្វារកីឡដ្ឋាន RSN របស់ខ្លួនដើម្បីស្វាគមន៍ក្រុមភ្ញៀវ មជ្ឈមណ្ឌលកំចាត់មីនកម្ពុជា នាវេលាម៉ោង៦ល្ងាចនេះ។
កីឡាករខ្សែបម្រើកណ្តាល និងកីឡាករខ្សែប្រយុទ្ធជនជាតិនីហ្សេរីយ៉ា George Kelechi ដែលទើបនឹងចូលក្លិបភ្នំពេញក្រោនមុនការបើករដូវកាលថ្មី ២០១៦ ពេលនេះពួកគេបានចែកផ្លូវជាមួយក្លិបភ្នំពេញក្រោនហើយកាលពីម្សិលមិញបន្ទាប់ពីកុងត្រារបស់ពួកគេបានបញ្ចប់។ នេះបើយោងាតាមទំព័រហ្វេសប៊ុកផ្លូវការរបស់ក្លិបភ្នំពេញក្រោន (Phnom Penh Crown FC)។
ទំព័រហ្វេសប៊ុកនោះបញ្ជាក់ដូច្នេះថា៖«កីឡាករកូនកាត់ខ្មែរបារាំង ខ្សែបម្រើកណ្តាល នឿត ធារី និងខ្សែប្រយុទ្ធ នីហ្សែរីយ៉ា George Kelechi បានចែកផ្លូវជាមួយក្លឹបភ្នំពេញក្រោន ដោយកុងត្រារបស់កីឡាករទាំងពីរត្រូវបានបញ្ចប់។ កីឡាករ ធារី និង George ចូលរួមជាមួយក្លឹបភ្នំពេញក្រោនមុនរដូវកាលនេះ»។
ក្រោយពីបញ្ចប់កុងត្រាជាមួយកីឡាកររបស់ខ្លួន ភ្នំពេញក្រោន នឹងបើកទ្វារកីឡដ្ឋាន RSN ដើម្បីស្វាគមន៍ក្រុមភ្ញៀវ មជ្ឈមណ្ឌលកំចាត់មីនកម្ពុជា ក្នុងក្របខណ្ឌមិត្តហ្វូនខេមបូឌានលីកនៃសប្តាហ៍ទី៩ នាល្ងាចនេះ៕
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com