ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
អ្នកចូលរួមរត់ប្រណាំងភ្នំពេញពាក់កណ្តាលម៉ារ៉ាតុនអន្តរជាតិ មានការកើនឡើងជារៀងរាល់ឆ្នាំ
13, Jun 2016 ,
7:39 pm
រូបភាព
×
ដោយ:
មនុស្សជាង៥០០០នាក់ ក្នុងនោះបរទេសជិត៥០០នាក់ ដែលមកពី២៨ប្រទេស បានចូលរួមក្នុងទិវារត់ប្រណាំងភ្នំពេញពាក់កណ្តាលម៉ារ៉ាតុងអន្តរជាតិ ដើម្បីអបអរបុណ្យចម្រើនព្រះជន្មព្រះអគ្គមហេសីវររាជមាតាជាតិខ្មែរ នរោត្តម មុន្នីនាថ សីហនុ និងរត់ដើម្បីទីក្រុងស្អាត ព្រមទាំងរត់ដើម្បីមនុស្សធម៌ប្រមូលថវិកាជួយមន្ទីរពេទ្យគន្ធបុប្ផា។ បើតាមលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) ចំនួនអ្នកចូលរួមរត់ប្រណាំងកាលពីថ្ងៃអាទិត្យ មានការកើនឡើង២០ភាគរយ បើប្រៀបធៀបកាលពីឆ្នាំមុន។
បន្ទាប់ពីប្រកួតអស់រយៈពេលមួយព្រឹកពេញនៅមុខព្រះបរមរាជវាំង ទិវារត់ប្រណាំងភ្នំពេញពាក់កណ្តាលម៉ារ៉ាតុងអន្តរជាតិលើកទី៦ ដែលមាន៣ប្រភេទវិញ្ញាសាចូលរួមបានបញ្ចប់ដោយជោគជ័យ ក្នុងនោះម្ចាស់ជ័យលាភីវិញ្ញាសារត់ចម្ងាយ៣គីឡូម៉ែត្រផ្នែកបុរសបានទៅកីឡាករ ឈុន ប៊ុនថន ឬឯលេខ២ ពិសិដ្ឋ សេង ខណៈលេខ៣ ម៉េង អេងចិន។ ៣គីឡូម៉ែត្រនារីលេខ១បានទៅ ផល រតនា ឬឯលេខ២ ញ៉ែម វុត្ថា និងលេខ៣ ប៊ុន រក្សា។
ដោយឡែកវិញ្ញាសា២១គីឡូម៉ែត្របុរសចំណាត់ថ្នាក់លេខ១បានទៅ Kuniaki Takizaki (NEKO) លេខ២ ម៉ា វីរ៉ូ និងលេខ៣ Tsubasa Nakamura ចំណែក២១គីឡូម៉ែត្រផ្នែកនារី ចំណាត់ថ្នាក់លេខ១ Jill Hamill ឬឯលេខ២ Veronique Massina និងចំណាត់លេខ៣បានទៅលើកីឡាការិនីជនជាតិបារាំង Caroline Girard។
កីឡាករអត្តពលកម្មជម្រើសជាតិ ម៉ា វីរ៉ូ បានបង្ហាញពីការខកបំណងបន្ទាប់ពីទទួលបានលទ្ធផលមិនដូចទៅនឹងអ្វីដែលបានរំពឺងទុក ដោយរូបគេរំពឹងថា នឹងទទួលបានចំណាត់ថ្នាក់លេខ១ នៃព្រឹត្តិការណ៍ភ្នំពេញពាក់កណ្តាលម៉ារ៉តុងលើកទី៦ លើវិញ្ញារត់ចម្ងាយ២១គីឡូម៉ែត្រ។ ប៉ុន្តែរូបគេបែរជាទទួលបានចំណាត់ថ្នាក់លេខ២ទៅវិញ បន្ទាប់ពីចាញ់កីឡាករជម្រើសជាតិជនជាតិជប៉ុន សញ្ជាតិខ្មែរ NEKO ដែលបេក្ខភាពដែលត្រូវចូលរួមប្រកួតកីឡាអូឡាំពិកនៅប្រទេសស៊ីលក្នុងខែសីហា ខាងមុខ ជាមួយកីឡាការិនី លី ណារី ដែលកំពុងហ្វឹកហាត់នៅប្រទេសកេនយ៉ា។
ទោះបីជាយ៉ាងនេះក្តី ម៉ា វីរ៉ូ ទទួលស្គាល់ថា សន្ទុះនៃការរត់របស់កីឡាករ NEKO មានល្បឿនលឿន និងមានកម្លាំងខ្លាំង ពាក់ព័ន្ធនឹងបញ្ហានេះរូបគេយល់ថា អាចបណ្តាលមកពីអាហារបំប៉ន និងការហ្វឹកហាត់ ព្រោះថាមពលរបស់ខ្លួនឆាប់អស់ ចំណែក NEKO មានស្ថានភាពខ្លាំងដដែល។ ប៉ុន្តែប្រសិនបើរត់ក្នុងចម្ងាយ ១០គីឡូម៉ែត្រ ប្រហែលជាមិនឈ្នះរូបគេនោះទេ។
ជាមួយគ្នានេះកីឡាការិនី ហេង ម៉ីជូ ដែលទទួលបានចំណាត់ថ្នាក់លេខ១លើវិញ្ញាសារត់ចម្ងាយ ១០គីឡូម៉ែត្របានសម្តែងអារម្មណ៍សប្បាយរីករាយចំពោះលទ្ធផលរបស់ខ្លួន ប៉ុន្តែរូបគេបានសម្តែងការព្រួយបារម្ភចំពោះសមត្ថភាព និងបច្ចេកទេសនៃការរត់ ព្រោះការទទួលចំណាត់ថ្នាក់លេខ១នេះ បើប្រៀបធៀបថេរវេលាទៅនឹងឆ្នាំមុន គឺមានការថយចុះ។ ពាក់ព័ន្ធទៅនឹងបញ្ហានៃការធ្លាក់ចុះនេះដែរ រូបគេគិតថាប្រហែលជាអាចបណ្តាលមកពីកម្មវិធីនៃការហ្វឹកហាត់ ប៉ុន្តែសម្រាប់ពេលវេលានៃការហ្វឹកហាត់មិនមានបញ្ហានោះទេ ហើយរូបគេនឹងធ្វើការផ្លាស់ប្តូរកម្មវិធីហ្វឹកហាត់ម្តងទៀត។
វិញ្ញាសារត់ចម្ងាយ១០គីឡូម៉ែត្របុរស លេខ១បានទៅ គៀង សាម៉ន ឬឯលេខ២ ផាន សុភ័ក្រ និងលេខ៣ កាំង ធឿន។ ចំណែក១០គីឡូម៉ែត្រនារី ម្ចាស់ជ័យលាភីបានទៅកីឡាការិនី ហេង ម៉ីជូ ឬឯលេខ២ បានទៅ Jenny Alexender និងលេខ៣ Luca Mira៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ភ្នំពេញពាក់កណ្តាលម៉ារ៉ាតុងអន្តរជាតិ
ម៉ា វិរ៉ូ
NEKO
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
4 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
6 ថ្ងៃ
អត្ថបទពេញនិយមបន្ថែម