លោក សាយ ភូថង អតីតអនុប្រធានក្រុមប្រឹក្សារដ្ឋ ទទួលមរណភាពក្នុងអាយុ៩៦ឆ្នាំ

ជាតិ

នយោបាយជាតិ

លោក សាយ ភូថង អតីតអនុប្រធានក្រុមប្រឹក្សារដ្ឋ ទទួលមរណភាពក្នុងអាយុ៩៦ឆ្នាំ

13, Jun 2016 , 9:22 pm

រូបភាព

សម្តេច ហ៊ុន សែន ដឹកនាំប្រតិភូទៅសួរសុខទុក្ខលោក សាយ ភូថង កន្លងមក។ រូបថត ហ្វេសប៊ុក សម្តេច ហ៊ុន សែន

ដោយ: រួបរួម

លោក សាយ ភូថង សមាជិកគណៈអចិន្ត្រៃយ៍គណបក្សប្រជាជនកម្ពុជា បានទទួលមរណភាពនៅថ្ងៃទី១៣ ខែមិថុនា នេះ ដោយរោគាពាធក្នុងអាយុ៩៦ឆ្នាំនៅទីក្រុងបាងកក ប្រទេសថៃ។ នេះបើតាមការបញ្ជាក់របស់សម្តេច នាយករដ្ឋមន្ត្រី ហ៊ុន សែន តាមរយៈហ្វេសប៊ុករបស់ខ្លួន។

ជាមួយនឹងរូបថតជាច្រើនសន្លឹក សម្តេច ហ៊ុន សែន បានសរសេរថា កាលពីប៉ុន្មានថ្ងៃមុន សម្តេចបានដឹកនាំប្រតិភូទៅសួរសុខទុក្ខលោក សាយ ភូថង អតីតអនុប្រធានក្រុមប្រឹក្សារដ្ឋ (អនុប្រធានរដ្ឋ) ដែលសម្រាកព្យាបាលនៅទីក្រុងបាងកក ប្រទេសថៃ។ ចំពោះមរណភាពរបស់ព្រឹទ្ធចារ្យគណបក្សប្រជាជនកម្ពុជារូបនេះ សម្តេច ហ៊ុន សែន សម្តែងការសោកស្តាយខ្លាំងបំផុត ព្រោះលោក សាយ ភូថង ជាឥស្សរជនដ៏សំខាន់ម្នាក់របស់បក្សដែលបានលះបង់ និងបូជាគ្រប់យ៉ាងក្នុងការរំដោះប្រទេសពីរបបខ្មែរក្រហម។

ប្រធានគណបក្សកាន់អំណាចបានលើកឡើងយ៉ាងដូច្នេះថា៖ «នេះជាការបាត់បង់មេដឹកនាំដ៏សំខាន់ម្នាក់របស់កម្ពុជា។ គុណបំណាច់ និងការលះបង់ដ៏ឧត្តុង្គឧត្តមរបស់លោកអ៊ំ សាយ ភូថង ចំពោះជាតិមាតុភូមិ គឺយើងទាំងអស់គ្នាចងចាំជានិច្ច»៕