កីឡាជាតិ
ជាតិ
ចូវ សុធារ៉ា នឹងបញ្ចប់អាជីពជាកីឡាករក្រោយត្រឡប់ពីប្រកួតកីឡាអូឡាំពិកនៅប្រេស៊ីល
ប្រភពរូបថត៖ ហ្វេសប៊ុក សហព័ន្ធកីឡាចំបាប់កម្ពុជា
×![]()
កីឡាការិនីជម្រើសជាតិចំបាប់ជើងចាស់ ចូវ សុធារ៉ា គឹបេក្ខភាពមួយរូបក្នុងចំណោមបេក្ខភាពចំនួន៦រូប ដែលទទួលបានសិទ្ធក្នុងការចូលរួមប្រកួតកីឡាអូឡាំពិករដូវក្តៅនៅទីក្រុងរីយ៉ូ ប្រទេសប្រេស៊ីល នាខែសីហាខាងមុខនេះ។ កីឡាអូឡាំពិកជាព្រឹតិ្តការណ៍មួយដ៏ធំលំដាប់កំពូល ដែលកម្រមានកីឡាករកីឡាការិនីណាបានចូលរួមនោះឡើយ ជាហេតុធ្វើឲ្យកីឡាការិនីចំបាប់ ចូវ សុធារ៉ា បានប្រកាសថា ខ្លួននឹងបញ្ចប់អាជីពជាកីឡាករបន្ទាប់ពីត្រឡប់មកពីចូលរួមប្រកួតកីឡាអូឡាំពិកនេះ។
កីឡាការិនីចំបាប់ ចូវ សុធារ៉ា ជាកីឡាការិនីចំបាប់តែម្នាក់គត់ដែលតំណាងឲ្យសហព័ន្ធកីឡាចំបាប់កម្ពុជា ក្នុងការចូលរួមប្រកួតកីឡាអូឡាំពិកដែលជាព្រឹត្តិការណ៍លំដាប់ពិភពលោកដ៏ធំនៅទីក្រុងរីយ៉ូ ប្រទេសប្រេស៊ីល នាខែសីហា ខាងមុខនេះ។ កីឡាការិនីចំបាប់ជម្រើសជាតិរូបនេះបានប្រកាសថា ខ្លួននឹងបញ្ចប់អាជីពជាកីឡាករ ក្រោយត្រឡប់មកពីចូលរួមព្រឹត្តិការណ៍នេះ ទោះបីទទួលបានលទ្ធផលយ៉ាងណាក៏ដោយ។
ទោះបីជាប្រកាសបែបនេះក៏ដោយ ប៉ុន្តែកីឡាការិនីចំបាប់រូបនេះ ទៅមិនឆ្ងាយពីវិស័យកីឡាចំបាប់នោះទេ ពោលគឺកីឡាការិនីម្នាក់នេះ នឹងធ្វើជាគ្រូបង្វឹកចំបាប់វិញម្តង ក្រោយពីបញ្ចប់អាជីបជាកីឡាករ។ កីឡាការិនីរូបនេះបញ្ជាក់ដូច្នេះថា៖«ខ្ញុំគិតថា Olympic Games វាជាកម្រិតកីឡាមួយខ្ពស់អស់ហើយ អញ្ចឹងអ្នកដែលបានចូលរួម គឺជាអ្នកដែលមានសមត្ថភាពខ្ពស់ និងអស្ចារ្យជាងគេ។ ដូច្នេះខ្ញុំបានកំណត់លើខ្លួនឯងច្បាស់ហើយ ប្រសិនបើខ្ញុំបានចូលលេងក្នុង Olympic Games លើកទី១ ខ្ញុំនឹងបញ្ចប់អាជីពជាកីឡាការិនី ទៅកាន់គ្រូបង្វឹកវិញតែម្តង»។
ការប្រកាសបញ្ចប់អាជីពជាកីឡាការិនីនេះ ដោយសារកីឡាការិនីចំបាប់ជើងចាស់រូបនេះយល់ថា Olympic Games ជាព្រឹត្តិការណ៍ដែលមានកម្រិតខ្ពស់ជាងគេ ដែលមិនមានព្រឹត្តិការណ៍ណាមួយធំជាងនេះនោះទេ ម្យ៉ាងទៀតដោយសាររូបគេបានប្រឡូកក្នុងវិស័យកីឡាចំបាប់អស់រយៈពេលជាង១០ឆ្នាំមកហើយ ពោលគឺកីឡាការិនីរូបនេះចូលហ្វឹកហាត់តាំងពីឆ្នាំ២០០០មកម្ល៉េះ។
កីឡាការិនីចំបាប់ជើងចាស់រូបនេះបានប្តេជ្ញាថា ក្នុងដំណាក់កាលដែលខ្លួនធ្វើជាគ្រូបង្វឹកនឹងពាំនាំយកនូវបទពិសោធន៍ បច្ចេកទេស និងតិចនិកប្រកួតមកចែករំលែក និងបង្ហាត់បង្រៀនដល់កូនសិស្សជំនាន់ក្រោយ តាមរយៈការអនុវត្តផ្ទាល់ដូចជាប្រកួតប្រលែងជាមួយកូនសិស្ស និងតាមរយៈការបង្ហាញសមត្ថភាពផ្ទាល់។
ក្នុងនាមជាកីឡាការិនីម្ចាស់ជើងឯកទ្វីបអាស៊ី ចូវ សុធារ៉ា ចង់ឃើញកីឡាករកីឡាការិនីជំនាន់ក្រោយមានសមត្ថភាពខ្ពស់ និងសាងស្នាដៃល្អៗ ដើម្បីជួយលើកវិស័យកីឡាចំបាប់ឲ្យមានការរីកចម្រើន ជាពិសេសកីឡាការិនី។ ហើយនាងគិតថា សម្រាប់វិញ្ញាសាចំបាប់ ស្ត្រីមានលទ្ធភាពច្រើនជាងបុរសក្នុងការដណ្តើមយកមេដាយ ព្រោះសមត្ថភាព បច្ចេកទេស និងកម្លាំងរបស់កីឡាការិនីកម្ពុជាបើប្រៀបធៀបទៅនឹងស្ត្រីបរទេសមិនចាញ់គ្នានោះទេ ប៉ុន្តែបុរសមានការខុសគ្នាបន្តិច។
ជាមួយគ្នានេះកីឡាការិនីចំបាប់ដែលទទួលបានសិទ្ធអនុគ្រោះចូលរួមប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីលរូបនេះបានចាត់ទុកថា កីឡាចំបាប់ជាកីឡាមួយប្រភេទដែលខ្សត់កីឡាការិនី និងជាកីឡាដែលពិបាកក្នុងការហ្វឹកហាត់ ពោលគឺអ្នកហាត់ត្រូវមានការតស៊ូ ព្យាយាម និងត្រូវមានឆន្ទៈខ្ពស់៕
កីឡាការិនីចំបាប់ ចូវ សុធារ៉ា ជាកីឡាការិនីចំបាប់តែម្នាក់គត់ដែលតំណាងឲ្យសហព័ន្ធកីឡាចំបាប់កម្ពុជា ក្នុងការចូលរួមប្រកួតកីឡាអូឡាំពិកដែលជាព្រឹត្តិការណ៍លំដាប់ពិភពលោកដ៏ធំនៅទីក្រុងរីយ៉ូ ប្រទេសប្រេស៊ីល នាខែសីហា ខាងមុខនេះ។ កីឡាការិនីចំបាប់ជម្រើសជាតិរូបនេះបានប្រកាសថា ខ្លួននឹងបញ្ចប់អាជីពជាកីឡាករ ក្រោយត្រឡប់មកពីចូលរួមព្រឹត្តិការណ៍នេះ ទោះបីទទួលបានលទ្ធផលយ៉ាងណាក៏ដោយ។
ទោះបីជាប្រកាសបែបនេះក៏ដោយ ប៉ុន្តែកីឡាការិនីចំបាប់រូបនេះ ទៅមិនឆ្ងាយពីវិស័យកីឡាចំបាប់នោះទេ ពោលគឺកីឡាការិនីម្នាក់នេះ នឹងធ្វើជាគ្រូបង្វឹកចំបាប់វិញម្តង ក្រោយពីបញ្ចប់អាជីបជាកីឡាករ។ កីឡាការិនីរូបនេះបញ្ជាក់ដូច្នេះថា៖«ខ្ញុំគិតថា Olympic Games វាជាកម្រិតកីឡាមួយខ្ពស់អស់ហើយ អញ្ចឹងអ្នកដែលបានចូលរួម គឺជាអ្នកដែលមានសមត្ថភាពខ្ពស់ និងអស្ចារ្យជាងគេ។ ដូច្នេះខ្ញុំបានកំណត់លើខ្លួនឯងច្បាស់ហើយ ប្រសិនបើខ្ញុំបានចូលលេងក្នុង Olympic Games លើកទី១ ខ្ញុំនឹងបញ្ចប់អាជីពជាកីឡាការិនី ទៅកាន់គ្រូបង្វឹកវិញតែម្តង»។
ការប្រកាសបញ្ចប់អាជីពជាកីឡាការិនីនេះ ដោយសារកីឡាការិនីចំបាប់ជើងចាស់រូបនេះយល់ថា Olympic Games ជាព្រឹត្តិការណ៍ដែលមានកម្រិតខ្ពស់ជាងគេ ដែលមិនមានព្រឹត្តិការណ៍ណាមួយធំជាងនេះនោះទេ ម្យ៉ាងទៀតដោយសាររូបគេបានប្រឡូកក្នុងវិស័យកីឡាចំបាប់អស់រយៈពេលជាង១០ឆ្នាំមកហើយ ពោលគឺកីឡាការិនីរូបនេះចូលហ្វឹកហាត់តាំងពីឆ្នាំ២០០០មកម្ល៉េះ។
កីឡាការិនីចំបាប់ជើងចាស់រូបនេះបានប្តេជ្ញាថា ក្នុងដំណាក់កាលដែលខ្លួនធ្វើជាគ្រូបង្វឹកនឹងពាំនាំយកនូវបទពិសោធន៍ បច្ចេកទេស និងតិចនិកប្រកួតមកចែករំលែក និងបង្ហាត់បង្រៀនដល់កូនសិស្សជំនាន់ក្រោយ តាមរយៈការអនុវត្តផ្ទាល់ដូចជាប្រកួតប្រលែងជាមួយកូនសិស្ស និងតាមរយៈការបង្ហាញសមត្ថភាពផ្ទាល់។
ក្នុងនាមជាកីឡាការិនីម្ចាស់ជើងឯកទ្វីបអាស៊ី ចូវ សុធារ៉ា ចង់ឃើញកីឡាករកីឡាការិនីជំនាន់ក្រោយមានសមត្ថភាពខ្ពស់ និងសាងស្នាដៃល្អៗ ដើម្បីជួយលើកវិស័យកីឡាចំបាប់ឲ្យមានការរីកចម្រើន ជាពិសេសកីឡាការិនី។ ហើយនាងគិតថា សម្រាប់វិញ្ញាសាចំបាប់ ស្ត្រីមានលទ្ធភាពច្រើនជាងបុរសក្នុងការដណ្តើមយកមេដាយ ព្រោះសមត្ថភាព បច្ចេកទេស និងកម្លាំងរបស់កីឡាការិនីកម្ពុជាបើប្រៀបធៀបទៅនឹងស្ត្រីបរទេសមិនចាញ់គ្នានោះទេ ប៉ុន្តែបុរសមានការខុសគ្នាបន្តិច។
ជាមួយគ្នានេះកីឡាការិនីចំបាប់ដែលទទួលបានសិទ្ធអនុគ្រោះចូលរួមប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីលរូបនេះបានចាត់ទុកថា កីឡាចំបាប់ជាកីឡាមួយប្រភេទដែលខ្សត់កីឡាការិនី និងជាកីឡាដែលពិបាកក្នុងការហ្វឹកហាត់ ពោលគឺអ្នកហាត់ត្រូវមានការតស៊ូ ព្យាយាម និងត្រូវមានឆន្ទៈខ្ពស់៕
Tag:
ចំបាប់
ចូវ សុធារ៉ា
© រក្សាសិទ្ធិដោយ thmeythmey.com
