ជាតិ
×![]()
ដោយ: ថ្មីៗ
ភ្នំពេញ៖ អ្នកជំនួញ និងមន្ត្រីជាន់ខ្ពស់ជនជាតិចិនជាង១០នាក់ បានធ្វើដំណើរទៅកាន់ខេត្តពោធិ៍សាត់កាលពីដើមសប្តាហ៍នេះ ដើម្បីសិក្សាលទ្ធភាពបោះទុនវិនិយោគ។ អ្នកវិនិយោគចិនទាំងនោះ មកពីវិស័យផ្សេងៗគ្នាដូចជា៖ វិស័យកាត់ដេរ ចំណីអាហារ ឱសថ និងកែច្នៃម្សៅឆា។ 
លោក អ៊ឹង គីមលាង អភិបាលខេត្តរងខេត្តពោធិ៍សាត់ បានថ្លែងប្រាប់សារព័ត៌មានថ្មីៗតាមទូរសព្ទមកថា មន្ត្រីជាន់ខ្ពស់ និងអ្នកជំនួញជនជាតិចិនជាង១០នាក់នោះ មកពីខេត្តសាងតុងនៃប្រទេសចិន។ ក្រោយពីទស្សនកិច្ចខេត្តពោធិ៍សាត់រួចហើយ ទាំងអ្នកវិនិយោគ ទាំងមន្ត្រីជាន់ខ្ពស់នៃប្រទេសចិន បានបង្ហាញឆន្ទៈចង់វិនិយោគផង និងចង់បង្កើនទំនាក់ទំនងល្អរវាងខេត្តខ្មែរ និងខេត្តរបស់ចិនផង។
ក្រុមហ៊ុនចិនដែលបានធ្វើទស្សនកិច្ចនៅក្នុងខេត្តពោធិ៍សាត់ បានបង្ហាញអារម្មណ៍ចង់វិនិយោគនៅក្នុងខេត្តមួយនេះមែន។ តើក្រុមហ៊ុនចិនគ្រោងបោះទុនវិនិយោគនៅពេលណា ហើយក្នុងទំហំទឹកប្រាក់ប៉ុន្មាន និងក្នុងវិស័យអ្វីខ្លះ?
លោក អ៊ឹង គីមលាង, ក្រោមគំនិតផ្តួចផ្តើមរបស់លោកអភិបាលខេត្តពោធិ៍សាត់ ម៉ៅ ថានិន, បានបញ្ជាក់ប្រាប់ថា ដំណាក់កាលឥឡូវនេះ គឺជាដំណាក់កាលដែលក្រុមហ៊ុនចិនកំពុងសិក្សាលើគម្រោងដែលនឹងត្រូវវិនិយោគនាពេលអនាគត។ អភិបាលខេត្តរងរូបនេះ រំពឹងថា ក្រុមហ៊ុនចិនអាចនឹងសម្រេចចិត្តបោះទុនវិនិយោគនៅក្នុងអំឡុងឆ្នាំ២០១៦នេះ។ រីឯ ទាក់ទងទៅនឹងទំហំទុនវិនិយោគទុននោះ លោកអភិបាលរងខេត្តពោធិ៍សាត់ មិនទាន់អាចបញ្ជាក់ប្រាប់នៅឡើយទេ។ អ្វីដែលលោក អ៊ឹង គីមលាង អាចសន្និដ្ឋានបាននៅពេលនេះ គឺថា ក្រុមហ៊ុនកាត់ដេរ និងក្រុមហ៊ុនផលិតម្សៅឆារបស់ចិន អាចនឹងបោះទុនវិនិយោគមុនគេនៅក្នុងខេត្តពោធិ៍សាត់។
វត្តមានក្រុមហ៊ុនចិននៅក្នុងខេត្តពោធិ៍ខេត្តនៅពេលនេះ ធ្វើឲ្យមន្ត្រីជាន់ខ្ពស់នៃខេត្តដែលមិនសូវអភិវឌ្ឍមួយនេះសប្បាយចិត្ត។ «ការវិនិយោគនឹងបង្កើតការងារជូនពលរដ្ឋនៅក្នុងខេត្តពោធិ៍សាត់, ជួយលើកកម្ពស់សេដ្ឋកិច្ចគ្រួសារកសិករ និងជួយកាត់បន្ថយចលនាចំណាកស្រុករបស់បងប្អូននៅក្នុងខេត្តពោធិ៍សាត់»។ នេះ គឺជាការអត្ថាធិប្បាយរបស់លោក អ៊ឹង គីមលាង មុននឹងលោកបញ្ចប់ដោយនិយាយថា លោកមិនត្រឹមតែជំរុញអ្នកវិនិយោគក្រៅប្រទេសឲ្យចូលមកក្នុងខេត្តពោធិ៍សាត់ប៉ុណ្ណោះទេ។ តែលោកនឹងខិតខំប្រឹងប្រែងធ្វើយ៉ាងដូចម្តេចដើម្បីជំរុញគោលនយោបាយភូមិមួយ ផលិតផលមួយនៅក្នុងខេតត្តពោធិ៍សាត់អោយទទួលជោគជ័យ មានន័យថា លោកនឹងរិះរកមធ្យោបាយជំរុញផលិតផលរបស់ខេត្តឲ្យចូលទៅកាន់ទីផ្សារជាមួយនឹងតម្លៃសមរម្យ។
មានតែការវិនិយោគពីខាងក្រៅប្រទេស និងការពង្រីកការវិនិយោគពីសំណាក់អ្នកជំនួញក្នុងខេត្តប៉ុណ្ណោះដែលអាចរុញច្រានឲ្យខេត្តមួយនេះ អាចអភិវឌ្ឍទៅមុខបានឆាប់រហ័ស ដូចខេត្តបាត់ដំបង ខេត្តសៀមរាប កំពង់ចាម និងខេត្តព្រះសីហនុ ឬទីក្រុងភ្នំពេញ៕
លោក អ៊ឹង គីមលាង អភិបាលខេត្តរងខេត្តពោធិ៍សាត់ បានថ្លែងប្រាប់សារព័ត៌មានថ្មីៗតាមទូរសព្ទមកថា មន្ត្រីជាន់ខ្ពស់ និងអ្នកជំនួញជនជាតិចិនជាង១០នាក់នោះ មកពីខេត្តសាងតុងនៃប្រទេសចិន។ ក្រោយពីទស្សនកិច្ចខេត្តពោធិ៍សាត់រួចហើយ ទាំងអ្នកវិនិយោគ ទាំងមន្ត្រីជាន់ខ្ពស់នៃប្រទេសចិន បានបង្ហាញឆន្ទៈចង់វិនិយោគផង និងចង់បង្កើនទំនាក់ទំនងល្អរវាងខេត្តខ្មែរ និងខេត្តរបស់ចិនផង។
ក្រុមហ៊ុនចិនដែលបានធ្វើទស្សនកិច្ចនៅក្នុងខេត្តពោធិ៍សាត់ បានបង្ហាញអារម្មណ៍ចង់វិនិយោគនៅក្នុងខេត្តមួយនេះមែន។ តើក្រុមហ៊ុនចិនគ្រោងបោះទុនវិនិយោគនៅពេលណា ហើយក្នុងទំហំទឹកប្រាក់ប៉ុន្មាន និងក្នុងវិស័យអ្វីខ្លះ?
លោក អ៊ឹង គីមលាង, ក្រោមគំនិតផ្តួចផ្តើមរបស់លោកអភិបាលខេត្តពោធិ៍សាត់ ម៉ៅ ថានិន, បានបញ្ជាក់ប្រាប់ថា ដំណាក់កាលឥឡូវនេះ គឺជាដំណាក់កាលដែលក្រុមហ៊ុនចិនកំពុងសិក្សាលើគម្រោងដែលនឹងត្រូវវិនិយោគនាពេលអនាគត។ អភិបាលខេត្តរងរូបនេះ រំពឹងថា ក្រុមហ៊ុនចិនអាចនឹងសម្រេចចិត្តបោះទុនវិនិយោគនៅក្នុងអំឡុងឆ្នាំ២០១៦នេះ។ រីឯ ទាក់ទងទៅនឹងទំហំទុនវិនិយោគទុននោះ លោកអភិបាលរងខេត្តពោធិ៍សាត់ មិនទាន់អាចបញ្ជាក់ប្រាប់នៅឡើយទេ។ អ្វីដែលលោក អ៊ឹង គីមលាង អាចសន្និដ្ឋានបាននៅពេលនេះ គឺថា ក្រុមហ៊ុនកាត់ដេរ និងក្រុមហ៊ុនផលិតម្សៅឆារបស់ចិន អាចនឹងបោះទុនវិនិយោគមុនគេនៅក្នុងខេត្តពោធិ៍សាត់។
វត្តមានក្រុមហ៊ុនចិននៅក្នុងខេត្តពោធិ៍ខេត្តនៅពេលនេះ ធ្វើឲ្យមន្ត្រីជាន់ខ្ពស់នៃខេត្តដែលមិនសូវអភិវឌ្ឍមួយនេះសប្បាយចិត្ត។ «ការវិនិយោគនឹងបង្កើតការងារជូនពលរដ្ឋនៅក្នុងខេត្តពោធិ៍សាត់, ជួយលើកកម្ពស់សេដ្ឋកិច្ចគ្រួសារកសិករ និងជួយកាត់បន្ថយចលនាចំណាកស្រុករបស់បងប្អូននៅក្នុងខេត្តពោធិ៍សាត់»។ នេះ គឺជាការអត្ថាធិប្បាយរបស់លោក អ៊ឹង គីមលាង មុននឹងលោកបញ្ចប់ដោយនិយាយថា លោកមិនត្រឹមតែជំរុញអ្នកវិនិយោគក្រៅប្រទេសឲ្យចូលមកក្នុងខេត្តពោធិ៍សាត់ប៉ុណ្ណោះទេ។ តែលោកនឹងខិតខំប្រឹងប្រែងធ្វើយ៉ាងដូចម្តេចដើម្បីជំរុញគោលនយោបាយភូមិមួយ ផលិតផលមួយនៅក្នុងខេតត្តពោធិ៍សាត់អោយទទួលជោគជ័យ មានន័យថា លោកនឹងរិះរកមធ្យោបាយជំរុញផលិតផលរបស់ខេត្តឲ្យចូលទៅកាន់ទីផ្សារជាមួយនឹងតម្លៃសមរម្យ។
មានតែការវិនិយោគពីខាងក្រៅប្រទេស និងការពង្រីកការវិនិយោគពីសំណាក់អ្នកជំនួញក្នុងខេត្តប៉ុណ្ណោះដែលអាចរុញច្រានឲ្យខេត្តមួយនេះ អាចអភិវឌ្ឍទៅមុខបានឆាប់រហ័ស ដូចខេត្តបាត់ដំបង ខេត្តសៀមរាប កំពង់ចាម និងខេត្តព្រះសីហនុ ឬទីក្រុងភ្នំពេញ៕
Tag:
ពោធិ៍សាត់
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
