ជាតិ
សម្ដេច ហ៊ុន សែន ក្លាយជា«តៃកុង»ដឹកម្ចាស់ម៉ូតូឌុប រូបភាព៖ ហ្វេសប៊ុក សម្តេច ហ៊ុន សែន
× នៅព្រឹកថ្ងៃសៅរិ៍នេះ សម្ដេចនាយករដ្ឋមន្ត្រី ហ៊ុន សែន បានចុះជួបប្រជាពលរដ្ឋនៅតាមដងផ្លូវចូលមកកាន់ខេត្តកោះកុង។
តាមរយៈរូបថត៨សន្លឹកដែលបានបង្ហោះនៅលើហ្វេសប៊ុករបស់ខ្លួននោះ នាយករដ្ឋមន្ត្រី ហ៊ុន សែន បានសួរសុខទុក្ខអ្នករត់ម៉ូតូឌុបម្នាក់ ហើយបានធ្វើជា«តៃកុង»បើកម៉ូតូដោយផ្ទាល់ដឹកម្ចាស់ម៉ូតូឌុបនោះវិញយ៉ាងសប្បាយរីករាយ។
ក្រៅពីនេះប្រមុខរដ្ឋាភិបាល ក៏បានបានចុះសួរសុខទុក្ខប្រជាពលរដ្ឋអ្នកលក់ចាប់ហួយ ព្រមទាំងក្រុមគ្រួសារកសិករប្រកបរបរស្រែចំការដែលមានដាំដំណាំនៅជុំវិញផ្ទះផងដែរ។ សម្ដេច ហ៊ុន សែន បានសរសេរលើហ្វេសប៊ុកខ្លួនថា៖«ខ្ញុំសប្បាយចិត្តដែលបានស្វែងយល់ និងបានឃើញជនរួមជាតិរស់នៅសុខសាន្ត មានរបបរទទួលទាន និងមានម៉ូតូជាយាន្តជំនិះផ្ទាល់ស្ទើរគ្រប់ផ្ទះ»៕
© រក្សាសិទ្ធិដោយ thmeythmey.com