កីឡាជាតិ
រឿង សោភ័ណ្ឌ ក្លាយជាម្ចាស់ជើងឯកគោជល់វគ្គ៤ ក្រោយផ្តួល ពេជ្រ សីហា នៅទឹកទី២
× កីឡាករ រឿង សោភ័ណ្ឌ បានក្លាយជាម្ចាស់ជើងឯកគោជល់រជ្ជកាលទី៤ ក្រោយពីផ្តួលកីឡាករ ពេជ្រ សីហា ឲ្យសន្លប់នៅក្នុងទឹកទី២ នៅវគ្គផ្តាច់ព្រ័ត្រលើសង្វៀន CNC កាលពីយប់ថ្ងៃទី១៨ ខែមិថុនា ម្សិលមិញនេះ ខណៈកីឡាករ ឡុង សុភី ទទួលបានចំណាត់ថ្នាក់លេខ៤ ក្រោយពីចាញ់កីឡាករ ឡាវ។
កីឡាករ រឿង សោភ័ណ្ឌ បានក្លាយជាម្ចាស់ជើងឯកពានរង្វាន់គោជល់រជ្ជកាលទី៤ ជាមួយនិងទឹកប្រាក់ ៥ពាន់ដុល្លារ បន្ទាប់ពីផ្តូលកីឡាករ ពេជ្រ សីហា ឲ្យសន្លប់ក្នុងទឹកទី២។ សម្រាប់ជ័យជម្នះរបស់កីឡាករ រឿង សោភ័ណ្ឌ នេះដែរ បន្ទាប់ពីរូបគេបានប្រើកណ្តាប់ដៃឆ្វេងវាយទៅលើផ្ទៃមុខ សីហា ពេញៗនៅក្នុងទឹកទីមួយ ចំណែកកីឡាករ ពេជ្រ សីហា បានព្យាយាមដើរចូលដើម្បីធ្វើការវាយបកមកលើ សោភ័ណ្ឌ ផងដែរ។
លុះដល់ទឹកទី២ សោភ័ណ្ឌ បានបោះកណ្តាប់ដៃ និងទាត់តែត្រូវ សីហា បានរងជាប់។ ការទាត់និងវាយមកលើផ្ទៃមុខនេះវាហាក់ដូចជាធ្វើឲ្យ សីហា ក្តៅស្លឹកត្រចៀក ប្រឹងព្យាយាមដើរចូលដើម្បីធ្វើការវាយបកសងសឹកទៅវិញតែត្រូវកីឡាករ រឿង សោភ័ណ្ឌ ទាត់ចំកញ្ចឹង ក បណ្តាលឲ្យសន្លប់ក្នុងទឹកទី២នេះតែម្តង។ ដែលជាហេតុធ្វើឲ្យកីឡាករ ពេជ្រ សីហា ក្លាយជាម្ចាស់ជើងឯករងជាមួយនឹងទឹកប្រាក់ ២,៥០០ដុល្លារ៕
សូមទស្សនាវីដេអូ៖
Tag:
ប្រដាល់
រឿង សោភ័ណ្ឌ
ពេជ្រ សីហា
© រក្សាសិទ្ធិដោយ thmeythmey.com