កីឡាជាតិ
Ri Hyok Chol និង Richard Omokafe ជួយឲ្យទ័ព និងណាហ្គាវើលឈ្នះ ២-០ ដូចគ្នា
× ការប្រកួតពានរង្វាន់ក្របខណ្ឌមិត្តហ្វូនខេមបូឌានលីករដូវកាល ២០១៦ សប្តាហ៍ទី១០ ជើងទី២ កាលពីម្សិលមិញខ្សែប្រយុទ្ធជនជាតិកូរ៉េខាងជើង Ri Hyok Chol ទើបនឹងទិញចូលបានជួយឲ្យក្រុមក្រសួងការពារជាតិ ឈ្នះលើក្រុមអគ្គស្នងការនគរបាលជាតិ ២-០ សម្រាប់ការចូលលេងជាលើកដំបូង។ ជាមួយគ្នានេះខ្សែប្រយុទ្ធជនជាតិនេហ្សេរីយ៉ា Richard Omokafe បានជួយឲ្យក្រុមណាហ្គាវើល ឈ្នះលើក្រុមវេស្ទើនភ្នំពេញ ២-០ ផងដែរ។
ខ្សែប្រយុទ្ធជនជាតិកូរ៉េខាងជើង Ri Hyok Chol ដែលក្រសួងការពារជាតិទើបនឹងនាំយកមកកាលពីពេលថ្មីៗ សម្រាប់ការចូលលេងជាលើកបំបូងកីឡាកររូបនេះរកបាន២គ្រាប់ម្នាក់ឯង ដើម្បីជួយឲ្យក្រុមក្រសួងការពារជាតិ យកឈ្នះក្រុមអគ្គស្នងការនគរបាលជាតិ ២-០ នាជំនួបកាលពីម្សិលមិញ នៅកីឡដ្ឋានកងយោធពលខេមរភូមិន្ទ ក្នុងសប្តាហ៍ទី១០ នៃជើងទី២។ ពីរគ្រាប់របស់កីឡាករជនជាតិកូរ៉េខាងជើងរូបនេះសម្រេចបាននៅនាទីទី ៣៧ និង៤៥។
ជាមួយគ្នានេះកីឡាករជនជាតិនីហ្សេរីយ៉ា Richard Omokafe របស់ក្លិបណាហ្គាវើលក៏រកបានពីរគ្រាប់ម្នាក់ឯងផងដែរនាជំនួបជាមួយក្រុមវេស្ទើនភ្នំពេញកាលពីម្សិលមិញ នៅកីឡដ្ឋានវេស្ទើន ដែលជួយឲ្យក្រុម ណាហ្គាវើល យកឈ្នះលើក្រុមម្ចាស់ផ្ទះ ២-០។ ជ័យជម្នះនេះ Richard Omokafe សម្រេចបាននៅនាទីទី ១៦ និងនាទីទី៣៩៕
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com