ស៊ីម៉ាក់ ជួបក្រុមខ្លាំង ព្រះខ័នរាជស្វាយរៀង មុន អាស៊ីអឺរ៉ុប ប៉ះជើងខ្លាំង បឹងកេតអង្គរ

កីឡាជាតិ

ស៊ីម៉ាក់ ជួបក្រុមខ្លាំង ព្រះខ័នរាជស្វាយរៀង មុន អាស៊ីអឺរ៉ុប ប៉ះជើងខ្លាំង បឹងកេតអង្គរ

19, Jun 2016 , 1:45 pm

រូបភាព

ដោយ:

ការប្រកួតពានរង្វាន់ក្របខណ្ឌមិត្តហ្វូនខេមបូឌានលីករដូវកាល ២០១៦ សប្តាហ៍ទី១០ ជើងទី២ នាល្ងាចនេះ ក្រុមមជ្ឈមណ្ឌលកំចាត់មីនកម្ពុជា(ស៊ីម៉ាក់) ជួបប្រកួតជាមួយក្រុមខ្លាំងព្រះខ័នរាជស្វាយរៀង មិន ក្រុមអាស៊ីអឺរ៉ុបយូណាយធីត ជួបប្រកួតជាមួយក្រុម បឹងកេងអង្គរ នៅពហុកីឡដ្ឋានជាតិ។

ពហុកីឡដ្ឋានជាតិនឹងក្លាយជាកន្លែងកាត់ក្តីរវាង ក្រុមស៊ីម៉ាក់, ព្រះខ័នរាជស្វាយរៀង, អាស៊ីអឺរ៉ុបយូណាយធីត និងបឹងកេតអង្គរ ក្នុងសប្តាហ៍ទី១០ នៃជើងទី២ល្ងាចនេះ ដោយក្រុមស៊ីម៉ាក់ ត្រូវជួបប្រកួតជាមួយក្រុមខ្លាំងព្រះខ័នរាជស្វាយរៀង នាវេលាម៉ោង ៣:៣០នាទី។ ចំណែកក្រុមអាស៊ីអឺរ៉ុបយូណាយធីត ជួបប្រកួតជាមួយក្រុម បឹងកេតអង្គរ នាវេលាម៉ោង ៦ល្ងាច។

គួរបញ្ជាក់ថា សម្រាប់ការប្រកួតកាលពីម្សិលមិញ ក្រសួងការពារជាតិបានយកឈ្នះលើក្រុមអគ្គស្នងការនគរបាលជាតិ ២-០ ដែលសម្រេចដោយកីឡាករជនជាតិកូរ៉េខាងជើង Ri Hyok Chol នៅនាទី៣៧ និង៤៥។ ចំណែកក្រុមណាហ្គាវើល បានយកឈ្នះលើក្រុមម្ចាស់ផ្ទះវេស្ទើនភ្នំពេញ ២-០ ដោយសម្រេចបានដោយកីឡាករជនជាតិនីហ្សេរីយ៉ា Richard Omokafe នៅនាទី ១៦ និង៣៩៕