ថៃរៀបចំវេទិកាស្តីពីការគ្រប់គ្រងទឹកដោយយកគំរូតាមអ៊ីស្រាអែល សិង្ហបុរី និងហូឡង់

អត្ថបទពាណិជ្ជកម្ម

ថៃរៀបចំវេទិកាស្តីពីការគ្រប់គ្រងទឹកដោយយកគំរូតាមអ៊ីស្រាអែល សិង្ហបុរី និងហូឡង់

20, Jun 2016 , 2:33 pm

រូបភាព

ដោយ:

ក្រុមហ៊ុនស៊ីម៉ង់ត៍ថៃ SCG ក្រោមកិច្ចសហការជាមួយសមាគមអ្នកសារព័ត៌មានថៃ បានរៀបចំវេទិកាថ្នាក់ជាតិស្តីពីការគ្រប់គ្រងទឹកប្រកបដោយនិរន្តរភាព ឆ្នាំ២០១៦ (Thailand Sustainable Water Management Forum 2016) នៅសណ្ឋាគារ Centara Grand ក្នុងទីក្រុងបាងកក នាថ្ងៃចន្ទទី២០ ខែមិថុនានេះ។

វេទិកា Thailand Sustainable Water Management Forum 2016 មានអ្នកចូលរួមជាង២០០នាក់ ដែលប្រមូលផ្តុំដោយថ្នាក់ដឹកនាំ អ្នកជំនាញ ពីជួររដ្ឋាភិបាល វិស័យឯកជន រួមទាំងថ្នាក់ដឹកនាំសហគមន៍ ដោយពួកគេចូលរួមពិភាក្សាគ្នាទាក់ទងនឹងការគ្រប់គ្រងទឹកនៅក្នុងប្រទេសថៃ។

សម្រាប់វេទិកានេះ ថៃមានបំណងប្រមែប្រមូលគំនិតយោបល់ល្អៗ អំពីការគ្រប់គ្រងទឹក និងយុទ្ធសាស្ត្រគ្រប់គ្រងទឹក ជាពិសេសពីប្រទេសគំរូចំនួនបីគឺ អ៊ីស្រាអែល សិង្ហបុរី និងហូឡង់ សំដៅយកមកអនុវត្តក្នុងប្រទេសរបស់ខ្លួន ។

ប្រធានបទសំខាន់ចំនួនបី ដែលត្រូវបានពិភាក្សាលម្អិត ក្នុងវេទិកានេះគឺ «ការផ្គត់ផ្គង់ទឹក ការគ្រប់គ្រងទឹក និងតម្រូវការទឹក» ។ ភាគីពាក់ព័ន្ធទាំងអស់ សំដៅស្វែងរកមធ្យោបាយ ដែលមានប្រសិទ្ធិភាព ក្នុងការដោះស្រាយបញ្ហាទឹកជំនន់ និងគ្រោះរាំងស្ងួត នៅក្នុងប្រទេសថៃ ។

លោកនាយករដ្ឋមន្ត្រីថៃ ប្រាយុទ្ធ ច័ន្ទ អូចា នឹងចូលរួមក្នុងពិធីបិទវេទិកាពិភាក្សានាល្ងាចថ្ងៃដដែលនេះផងដែរ។

រូបភាពពីសកម្មភាពក្នុង កិច្ចប្រជុំ នៅសណ្ឋាគារ Centara Grand Hotel ក្រុងបាងកក ប្រទេសថៃ ៖