ជាតិ
តុលាការកំពូលសម្រេចបន្តឃុំខ្លួនលោក ហុង សុខហួរ
× ដោយយល់ឃើញថា សេចក្តីសម្រេចរបស់សាលាឧទ្ធរណ៍ត្រឹមត្រូវ និងសមហេតុផល លោក សឹង បញ្ញាវិឌ្ឍ ប្រធានក្រុមប្រឹក្សាជំនុំជម្រះតុលាការកំពូល នាព្រឹកថ្ងៃពុធនេះ បានចេញសាលដីការសម្រេចបន្តឃុំខ្លួន លោក ហុង សុខហួរ សមាជិកព្រឹទ្ធសភាគណបក្សសម រង្ស៊ី ទាក់ទងនឹងករណីក្លែងបន្លំឯកសារព្រំដែនកម្ពុជា-វៀតណាម។
លោក ជួង ជូងឺ មេធាវី លោក ហុង សុខហួរ បានប្តឹងទៅតុលាការកំពូល ដោយលោកលើកថា ការចាប់ខ្លួន ឃុំខ្លួន លោក ហុង សុខហួរ ខុសនីតិវិធី ដែលមិនមែនជាបទល្មើសជាក់ស្តែង ហើយកូនក្តីរបស់ខ្លួនមានអភ័យឯកសិទ្ធិ។ ប៉ុន្តែនៅព្រឹកនេះ តុលាការកំពូលបានប្រកាសតម្កល់សាលដីការបស់សាលាឧទ្ធរណ៍ទុកជាបានការ។
លោក ហុង សុខហួរ ត្រូវបានចាប់ខ្លួនកាលពីថ្ងៃទី១៥ ខែសីហា ឆ្នាំ២០១៥ ហើយត្រូវបានតុលាការចោទប្រកាន់ពីបទក្លែងបន្លំឯកសារធារណៈ ប្រើប្រាស់ឯកសារសាធារណៈក្លែង និងញុះញង់បង្កអសន្តិសុខសង្គម ពាក់ព័ន្ធនឹងសន្ធិសញ្ញាព្រំដែនកម្ពុជា-វៀតណាម ដោយឯកសារទាំងនោះត្រូវបានបង្ហោះលើហ្វេសប៊ុកឯកឧត្តម សម រង្ស៊ី។
© រក្សាសិទ្ធិដោយ thmeythmey.com