ពីនេះ ពីនោះ
តើពាក្យ«អភព្វ, អភ័ព្វ អភព្យ និង អភ័ព្យ»មួយណាត្រឹមត្រូវ?
× នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានបញ្ជាក់ថាពាក្យទាំងអស់នេះ គឺត្រឹមត្រូវដូចគ្នា និងមានអត្ថន័យដូចគ្នា។ ពាក្យនេះមានអត្ថន័យដូចខាងក្រោម៖
ពាក្យ «អភ័ព្វ» មានថ្នាក់ពាក្យជា(គុ) (សំ) (បា) មានន័យថា ដែលមិនគួរ ពុំគួរដល់កិច្ចការ ដែលពុំអាច ដែលឥតសំណាងល្អ មានសំណាងតិច ដែលឃ្វាងចាកប្រយោជន៍ ឬឃ្វាងចាកមគ្គផល។ ខ្មែរ ច្រើនប្រើសំដៅសេចក្ដីថា «ដែលឥតភ័ព្វ, ដែលមានសំណាងតិច ដែលទំនុកបម្រុងគេឬធ្វើគុណទៅរកគេហើយច្រើនតែត្រឡប់ជាបានទោសមកវិញ។ ឧទាហរណ៍ មនុស្សអភ័ព្វ ខ្ញុំអភ័ព្វណាស់។ បើរៀងភ្ជាប់ពីខាងដើមសព្ទដទៃ សរសេរជាអភព្វ ដូចជាអភព្វជាតិ ឬអភព្វដ្ឋាន កំណើតអភ័ព្វ។ អភព្វបុគ្គល ឬបុគ្គលអភ័ព្វ។
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជ ជួនណាត
© រក្សាសិទ្ធិដោយ thmeythmey.com