ពីនេះ ពីនោះ
គាំទ្រខ្លាំង បាល់ខ្លាំង!
× កំណាព្យបទ ភុជង្គលីលា
និពន្ធដោយ ប៉ាកកាខ្មៅ
បាល់ពីមុនគ្មានអ្នកហ៊ោរ
ពេលនេះជាន់ជោរ
ពោរពេញទាំងស្តាត។
កាលពីមុនគេប្រមាថ
ថាលេងមិនឆ្លាត
ទាត់បាល់ច្រើនខុស។
ពេលនេះបាល់ខ្មែររីកដុះ
អ្នកមើលផុលផុស
ស្រីប្រុសក្មេងចាស់។
ក្នុងក្រៅខ្មែរលេងខ្លាំងច្បាស់
អ្នកជិតខាងប៉ះ
ខ្លះមិនអាចត។
ពេលប្រកួតFanស្អកក
ផ្អើលមើលឈូឆរ
ទាំងតាមTV។
ខ្លាំងស្មើបម្រើចាំទី
បានស៊ុតច្រើនស៊ី
មិនដូចមុនសូន្យ។
កាលពីមុនបងខឹងប្អូន
ឪពុកសួរកូន
មើលអីបាល់ខ្មែរ?
ពេលនេះទម្លាប់ចាស់កែ
មើលទាំងក្រុងស្រែ
ឲ្យតែខ្មែរទាត់។
បន្តគាំទ្រកុំភ្លាត់
ទាំងរាស្ត្រនិងរដ្ឋ
បាល់ទាត់យើងខ្លាំង។
ទោះមិនល្បីដូចបារាំង
យ៉ាងហោចអាចតាំង
លើកពានអាស៊ី៕
© រក្សាសិទ្ធិដោយ thmeythmey.com